Беларусам хочуць абмежаваць колькасць банкаўскіх картак на чалавека
У Беларусі разглядаюць магчымасць увесці абмежаванне на колькасць банкаўскіх картак, якія можа мець адзін чалавек. Пра гэта паведаміў першы намеснік старшыні праўлення Нацбанка Беларусі Аляксандр Ягораў на канферэнцыі «Лічбавы банкінг — 2026», піша Sputnik.
Па словах Аляксандра Ягорава, такія меры перш за ўсё будуць накіраваныя не на звычайных кліентаў, а на так званых «дропаў» — людзей, якіх выкарыстоўваюць махляры для пераводу, зняцця або перасылкі скрадзеных грошай. Плануецца зрабіць так, каб большасць грамадзян амаль не адчула гэтых абмежаванняў.
Пры распрацоўцы падыходаў улічваецца і замежны досвед, у тым ліку расійскі закон супраць падобных схем, але ў Беларусі не хочуць уводзіць самыя жорсткія меры, імкнучыся захаваць баланс паміж бяспекай і нармальнай працай эканомікі.
«Дропы» — гэта падстаўныя асобы, на чые рахункі паступаюць незаконныя грошы. Яны здымаюць гэтыя сродкі або перасылаюць далей, тым самым становячыся часткай махлярскіх схем.
Ад званкоў «з банка» да фэйкавых інвестыцый. Як махляры крадуць грошы з картаў
«Медсястра турбуе, абнаўляю вашу медкарту». Махляры прыдумалі новую схему падману праз тэлеграм
Ад праверкі лічыльнікаў да паездкі ў Маскву: як Таццяна міжволі стала кур’ерам махляроў — падрабязная гісторыя
Беларусы атрымліваюць паведамленні аб праверцы банкаўскай карткі. Яны сапраўдныя?
Каментары