Jon pražyŭ 57 hadoŭ.
6 červienia na58-m hodzie žyćcia pamior były staršynia Minskaha harvynkankamu Michaił Paŭłaŭ.
U krasaviku letaś Michaił Paŭłaŭ byŭ špitalavany ŭ
7 krasavika jamu była zroblenaja apieracyja pa vydaleńni puchliny hałaŭnoha mozhu.Apieracyju rabiŭ prafiesar Arnold Śmiejanovič. Reabilitacyju były mer prachodziŭ u Izraili.
U vieraśni ŭ suviazi z recydyvam puchliny Paŭłavu była zroblenaja paŭtornaja apieracyja. Na dziaržaŭnuju pracu jon tak i nie viarnuŭsia, choć Łukašenka i kazaŭ, što Paŭłaŭ adčuvaje siabie niakiepska i budzie pieraviedzieny na inšuju pracu.
U krasaviku žurnalisty «Narodnaj voli» sustreli Michaiła Paŭłava ŭ Drazdach.
«Narmalna ŭsio budzie, — kazaŭ tady Paŭłaŭ. — Ja chadziŭ, chadžu i budu chadzić».
Sam Paŭłaŭ, jak i Łukašenka, pachodzić sa Škłoŭskaha rajona (naradziŭsia 1 vieraśnia 1952 hoda ŭ pasiołku Ordać). Skončyŭ Mahiloŭski mašynabudaŭničy instytut i Akademiju narodnaj haspadarki pry ŭradzie Rasii.
Pracoŭnuju dziejnaść pačynaŭ elektrazvarščykam. Paśla armii los zanios Paŭłava ŭ Baranavičy, dzie i pačałasia karjera budučaha mera.
Ciaham dziesiaci hadoŭ jon uznačalvaŭ kalektyŭ Baranavickaha zavodu handlovaha mašynabudaŭnictva.
Z 1997 hoda — staršynia Baranavickaha harvykankamu. Praz try hady stanovicca minskim meram. Z apošniaj pasady syšoŭ pa stanie zdaroŭja.
Za čas kiravańnia Paŭłava ŭ stalicy było pačata mnostva budoŭlaŭ, horad pašyraŭsia. Budavalisia nie tolki novyja damy, ale i hipiermarkiety, ofisnyja centry, parkinhi, chakiejnyja placoŭki. Razam z tym, časta nie ŭličvalisia histaryčnyja zbudavańni, jakich było niamała zrujnavana.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?14
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2121
Kamientary