Premjer-ministr Armienii Nikoł Pašynian nie pajedzie na samit JEAES u Astanie, jaki projdzie 28—29 maja. Zamiest siabie jon adpravić vice-premjera krainy Mhiera Hryhariana. Pašynian paviedamiŭ, što zahadzia papiaredziŭ pra heta prezidenta Rasii Uładzimira Pucina i kiraŭnika Kazachstana Kasyma-Žamarta Takajeva.
Pa słovach armianskaha premjera, jon nie zmoža ŭdzielničać u samicie z-za pieradvybarčaj kampanii pierad parłamienckimi vybarami 7 červienia i vajskovaha parada, jaki zapłanavany na 28 traŭnia.
9 maja Uładzimir Pucin zajaviŭ, što Armienii varta pravieści refierendum nakont mahčymaści vychadu ź JEAES i zbližeńnia ź Jeŭrasajuzam. Jon adznačyŭ, što ŭ takim vypadku krainy mahli b pajści šlacham «miakkaha, intelihientnaha i ŭzajemavyhadnaha» razvodu, namiaknuŭšy, adnak, pry hetym na ŭkrainski scenar paśla kursu Kijeva na ES.
Pašynian na heta adkazaŭ, što ciapier Armienija nie płanuje vynosić pytańnie pra siabroŭstva ŭ JEAES na refierendum. Jon padkreśliŭ, što kraina praciahvaje pavažać partnioraŭ pa sajuzie i zastajecca jaho paŭnavartasnym udzielnikam.
Armianski premjer taksama nie pahadziŭsia sa słovam «razvod», jakoje vykarystaŭ Pucin dla apisańnia adnosin pamiž krainami. Pavodle jaho, miždziaržaŭnyja adnosiny nie varta paraŭnoŭvać ź siamiejnymi.
Pašynian adznačyŭ, što Armienija nie maje namieru škodzić intaresam Rasii, a jaho adnosiny z Pucinym zastajucca davierlivymi. Pry hetym jon paćvierdziŭ, što Jerevan budzie praciahvać raźvivać supracoŭnictva ź Jeŭrasajuzam i pravodzić demakratyčnyja reformy, kirujučysia nacyjanalnymi intaresami krainy.
Pašynian admoviŭsia prysutničać na paradzie ŭ Maskvie
Pašynian paskardziŭsia kiraŭnictvu ES na hibrydnyja pahrozy
Pašynian: Armienija pieraadoleła błakadu z Azierbajdžanam
Rasija abmiažuje pastaŭki armianskaha kańjaku paśla zajaŭ Pašyniana Pucinu pra demakratyju i błakavańnie internetu
«My sami prymiem heta rašeńnie». Pucin u Kramli pastaviŭ pierad Nikołam Pašynianam pytańnie rubam, toj trymaŭsia hodna
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami15
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary