U vydaviectvie «Januškievič» vyjšła vośmaja kniha vieršaŭ paeta i pierakładčyka Ihara Kulikova «Horad N.», dzie sabranyja tvory, napisanyja ŭ 2024—2026 hadach. Zbornik apaviadaje pra abžyvańnie i pražyvańnie prastory i času ŭ troch stalicach (Miensku, Vilni i Varšavie), a taksama inšych haradach i miaścinach Ziamli, piša bellit.info.
Sam aŭtar prezientuje knihu tak:
«Hetaja kniha pra Miensk, Vilniu, Varšavu dy inšyja harady j miastečki, jakija patrapilisia aŭtaru na darozie ŭ nietutejšuju dalečyniu. Heta zbornik nie stolki vieršaŭ, kolki moŭnych zdymkaŭ, sproba zafiksavać prastoru i čas: svaje — kab zapabiehčy nieminučamu adčužeńniu va ŭmovach nieradzimy, čužyja — kab abžyć i prypadobnić novyja miescy da svaich, nie prysvoić ich, ale chacia b zrabić utulniejšymi.
Moŭnyja fota dapaŭniajucca fota zvyčajnymi, jakija nia tolki razmaŭlajuć z susiednimi tekstami, ale i sami pa sabie składajucca ŭ nievialikuju knihu ŭ knizie. Balšynia materyjału była stvorana ŭžo nie ŭ Biełarusi, i tolki niekatoryja vieršy i zdymki pachodziać jašče z daemihracyi — u peŭnym sensie heta kniha vydadziena navypieradki z zabyćciom jak vonkavy nośbit pamiaci pra toje važnaje, što dazvalaje zastavacca na płavie byćcia. Tolki važnaść hetaja, niachaj i časta tužlivaja i balučaja, nasamreč biazvažkaja, jak soniečnaje śviatło, bo aśviatlaje budučy dzień».
U knizie źmieščany taksama pierakład adnaho vierša litoŭskaha paeta Hienrykasa Radaŭskasa.
Nabyć navinku možna ŭ kniharni «Knihaŭka» ŭ Varšavie, a taksama zamović na Allegro.pl i Knihauka.com.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary