Ministr finansaŭ ZŠA Skot Biesient paviedamiŭ, što dziejańnie śpiecyjalnaha vyklučeńnia praciahvajecca jašče na 30 dzion. Havorka idzie pra naftu z Rasii, jakaja ŭžo zahružanaja na tankiery i znachodzicca ŭ mory. Ciapier asobnyja krainy zmohuć i dalej jaje zakuplać.
Asnoŭnaja pryčyna takoha rašeńnia — rost suśvietnych cen na enierharesursy. Jon źviazany z kanfliktam na Blizkim Uschodzie, u tym liku supraćstajańniem vakoł Irana. Kab paźbiehnuć deficytu nafty i rezkaha padaražańnia, ZŠA vyrašyli časova pakinuć dostup da hetych pastavak.
Heta ŭžo druhi raz, kali Vašynhton praciahvaje takoje pasłableńnie. Spačatku jano było ŭviedziena ŭ sakaviku i pavinna było dziejničać usiaho miesiac. Potym jaho padoŭžyli adzin raz, a ciapier — jašče raz.
Pry hetym raniej toj ža Biesient zajaŭlaŭ, što praciahvać vyklučeńni nie płanujecca. Jon tłumačyŭ, što miera ŭvodziłasia pa prośbie biednych i ŭraźlivych krain, jakim ciažka znajści alternatyŭnyja krynicy enierhii. Taksama jon mierkavaŭ, što abjomy rasijskaj nafty ŭ mory ŭžo amal vyčarpanyja.
Ciapier situacyja, adnak, znoŭ źmianiłasia: z-za niestabilnaści na rynku i vysokich cen ułady ZŠA vyrašyli jašče na niekatory čas adstupić ad žorstkaj sankcyjnaj palityki, kab stabilizavać pastaŭki i padtrymać najbolš zaležnyja ad impartu krainy.
Ciapier čytajuć
Prapahanda rychtuje hramadstva da zahadkavaj «praciahłaj kamandziroŭki» Łukašenki39
Kamientary