Raźvićcio ŭłasnych radoviščaŭ pryrodnaha hazu paskaraje Kipr, jon płanuje pačać jaho prodaž u Jeŭropu ŭžo z 2028 hoda, piša Euronews.
Prezident krainy Nikas Chrystadulidzis paviedamiŭ, što ŭ kiprskaj vyklučnaj ekanamičnaj zonie byli dasiahnuty novyja damoŭlenaści z bujnymi enierhietyčnymi kampanijami — Exxon, a taksama kansorcyumam Eni i TotalEnergies. Asnoŭnaja meta hetych prajektaŭ — pierajści ad raźviedki radoviščaŭ da realnaj zdabyčy i ekspartu hazu.
Asablivaja ŭvaha nadajecca radovišču «Kronas», pa jakim užo zaćvierdžany płan raspracoŭki. Mienavita jano razhladajecca jak adno z klučavych dla startu pramysłovaj zdabyčy. Pavodle płanu, kansorcyum Eni—TotalEnergies pavinien u najbližejšy čas pryniać kančatkovaje inviestycyjnaje rašeńnie pa jaho asvajeńni.
Akramia hetaha, ułady taksama prasoŭvajuć prajekt pa radoviščy «Afradyta», dzie ŭdzielničajuć kampanii Chevron, BG i NewMed Energy. Pa im inviestycyjnaje rašeńnie čakajecca da 2027 hoda.
Urad Kipra razhladaje hazavyja prajekty jak stratehična važnyja, bo jany pavinny ŭzmacnić enierhietyčnuju niezaležnaść krainy i jaje rolu ŭ rehijonie. Taksama adznačajecca, što ekspart płanujecca ažyćciaŭlać praź Jehipiet, a dalej — u jeŭrapiejskija krainy.
U cełym Kipr pierachodzić ad doŭhich hadoŭ raźviedki (z pačatku adkryćciaŭ u 2011 hodzie) da etapu pramysłovaj raspracoŭki i raźličvaje, što pieršyja pastaŭki hazu na rynak pačnucca ŭ 2028 hodzie.
U Jeŭropie enierhietyčny kryzis. Ci budzie jana znoŭ kuplać naftu i haz u Rasii?
Jak vajna Trampa ź Iranam nabliziła kaniec nafty i hazu i adkryła darohu elektryčnaści
Ceny na haz u Jeŭropie padskočyli na 27% praz vajnu ŭ Iranie
Jeŭropa advykła ad rasijskaha hazu. Chałodnaja zima 2026 hoda ŭpieršyniu abyšłasia biez kryzisu
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary