Daradca Minabarony Ukrainy: Hłabalnaje ŭvarvańnie farmatu 2022 hoda ŭžo nie paŭtorycca
Daradca Ministerstva abarony Ukrainy Siarhiej Biaskrestnaŭ («Fłeš») na svajoj staroncy ŭ fejsbuku adkazaŭ na pytańni, jakija, pa jaho słovach, jon atrymlivaje «ad siabroŭ i znajomych nakont pahroz z boku Respubliki Biełaruś».
Pa słovach Siarhieja Biaskrestnava, u Ministerstvie abarony Ukrainy fiksujecca aktyŭnaść, jakaja ŭ budučyni moža ŭjaŭlać pahrozu dla Ukrainy abo krain Jeŭropy, ale hatoŭnaści napaści ź Biełarusi «zaŭtra» pakul što nichto nie bačyć.
Ukrainskaja raźviedka adsočvaje situacyju ŭ cełym, a va USU dastatkova ŭmacavańniaŭ, vojskaŭ na miežach i vojskaŭ u hatoŭnaści, kab adbić mahčymuju ahresiju.
«Hłabalnaje ŭvarvańnie farmatu 2022 hoda ŭžo nie paŭtorycca. Vajna źmianiłasia. Lubaja kałona techniki nie pratrymajecca i niekalkich hadzin», — śćviardžaje Siarhiej Biaskrestnaŭ.
Pa jaho słovach, mahčymaje adkryćcio frontu ź Biełaruśsiu moža mieć tolki metu adciahnuć častku ŭkrainskich vojskaŭ na novy ŭčastak frontu. Abo Rasija budzie vykarystoŭvać Biełaruś jak płacdarm dla zapusku rakiet abo šachiedaŭ.
U kožnym razie daradca ŭkrainskaha Minabarony zapeŭnivaje, što USU hatovyja da samych roznych scenaryjaŭ i padziej. I vykazvaje spadziavańnie, što
«narod i armija RB bačać sučasny farmat i vyniki biahučaj vajny dla ŭsich bakoŭ i nie dazvolać uciahnuć siabie ŭ hetaje varjactva. Narodam Ukrainy i Biełarusi niama čaho dzialić i niama čaho varahavać».
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?15
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2121
Kamientary