Milicyja zatrymała padazravanaha ŭ tym, što daškolniki na Minščynie atrucilisia
Ź im pravodziacca śledčyja dziejańni.
«Padazravany zatrymany supracoŭnikami milicyi ŭ ramkach kryminalnaj spravy pa č. 1 art. 336 Kryminalnaha kodeksa Biełarusi. Ź im pravodziacca śledčyja dziejańni. Vyznačajucca inšyja paciarpiełyja. Pradukcyja adklikana i kanfiskavana z metaj niedapuščeńnia jaje dalejšaj realizacyi. Pryznačany šerah ekśpiertyz», — havorycca ŭ paviedamleńni SK.
Pryčynaj atručeńnia nazvali parušeńni sanitarna-epidemijałahičnych norm, dapuščanyja rabotnikam padčas vytvorčaści małočnaj pradukcyi.
«U chodzie pravieračnych mierapryjemstvaŭ taksama ŭstanoŭlena, što padobnyja parušeńni nie źjaŭlajucca sistemnymi i nie nosiać masavy charaktar. Inšych padobnych parušeńniaŭ nie zafiksavana», — zajavili ŭ SK.
Nahadajem, što na minułym tydni, 2 i 3 červienia, u Barysaŭskuju balnicu źviarnułasia 30 dziaciej z młosnaściu i vanitami z 11 sadkoŭ. Da piatnicy ŭsie dzieci byli vypisanyja.
Jašče 13 dziaciej paciarpieli ŭ inšych nasielenych punktach Minskaj vobłaści.
U paniadziełak Minzdaroŭja paviedamiła, što pryčynaj atručvańnia staŭ kisłamałočny napoj «Bifidzin» vytvorčaści TAA «Bijamołpram». Łabaratornyja daśledavańni paćvierdzili, što napoj nie adpaviadaje patrabavańniam mikrabijałahičnaj biaśpieki. Rabota pradpryjemstva była prypynienaja.
Ciapier čytajuć
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus papaŭ bieśpiłotnik47
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus papaŭ bieśpiłotnik
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu99
Kamientary
Ostalnyje vydochnuli....