Heta ŭžo druhaja kampanija ad MF, abviečščanaja ciaham adnaho tydnia.
«Jeŭrapiejskaja adukacyja» — pad takoj nazvaj startuje z 6 lipienia novaja maładafrontaŭskaja hramadzkaja inicyjatyva. Heta ŭžo druhaja kampanija ad MF, abvieščanaja ciaham adnaho tydnia. I heta jašče nie ŭsio: nieŭzabavie maładafrontaŭcy abiacajuć treciuju kampaniju…
Praviadzieńnie kampanii «Jeŭrapiejskaja adukacyja» stała patrebaj dla biełaruskaha hramadstva, bo ŭžo nie pieršy hod iduć dyskusii i abmierkavańni nieabchodnaści dałučeńnia našaj krainy da Bałonskaha pracesu.Pra heta ŭ roznyja časy ŭzhadvali i Ministr adukacyi Radźkoŭ i Aleksandr Łukašenka, adnak ad hetaha Jeŭrapiejskaja sistema adukacyi tak i nie stała bližej dla našych studentaŭ.
«My razumiejem, što heta palityčnaje pytańnie dałučacca da Bałonskaha pracesu ci nie. — kaža kaardynatar kampanii „Jeŭrapiejskaja Biełaruś“, Alaksiej Vałabujeŭ, — Naša zadača - pakazać, što biełaruskamu hramadstvu nieabyjakavaje hetaje pytańnie. U nas bolšaść studentaŭ i vykładčykaŭ nie ŭjaŭlajuć, u čym sutnaść Bałonskaha pracesu i što heta ŭvohule takoje, tamu jašče adnoj važnaj metaj źjaŭlajecca infarmavańnie pra pieravahi jeŭrapiejskaj sistemy adukacyi».
Akramia infarmavańnia, Małady Front taksama płanuje zbor podpisaŭ siarod studentaŭ i abituryjentaŭ, dziejnaść u miežach sacyjalnych sietak, kanferencyi i kruhłyja stały z udziełam niezaležnych i dziaržaŭnych admysłoŭcaŭ…
Alaksiej Vałabujeŭ zaznačyŭ, što Bałonski praces moh by dać mnostva pieravahaŭ dla našych studentaŭ.
studenty pavodle hetaj sistemy musiać pravieści ad miesiaca da hoda ŭ inšych krainach, što dazvalaje nie tolki paznajomicca ź inšymi VNU i ich sistemaj navučańnia, ale i dadaje vielmi kaštoŭny dośvied dla maładych śpiecyjalistaŭ, padvyšaje jakaść i efiektyŭnaść ich adukacyi.Dy i sami VNU u Biełarusi mohuć stać bolej raźniavolenymi z prychodam Bałonskaj sistemy. Jany nie buduć zaležyć ad Ministerstvaŭ i zahadaŭ źvierchu, zmohuć sami vyrašać jak naładzić adukacyjny praces. Taksama adzin z važkich plusaŭ — heta pryznańnie dypłomaŭ za miažoj.
I ich nie pałochaje, što z ŭviadzieńniem novaj sistemy Jeŭrapiejskaj adukacyi my ryzykujem sutyknucca na pieršych parach z masavaj «uciečkaj mazhoŭ»:
«Hetaha bajacca taksama biessensoŭna, jak bajacca hłabalizacyi i ŭsiaho bolš novaha. — kaža Alaksiej Vałabujeŭ. —
Kali my chočam mieć jakasnuju adukacyju i dobrych śpiecyjalistaŭ, my musim zrabić tak, kab studenty zastalisia ŭ našaj krainie: stvaryć dobryja umovy dla pracy i prapanavać suadnosny ich kvalifikacyi zarobak.Ale nie abmiažoŭvać i nie strymlivać štučna studentaŭ u ramkach».
«Jeŭrapiejskaja adukacyja» užo druhaja kampanija Maładoha Frontu abvieščanaja ciaham hetaha tydnia. Jak paviedamiŭ Alaksiej Vałabujeŭ, u chutkim časie možna čakać i na treciuju. Jašče nie vyznačany daty pačatku, adnak treciaja kampanija budzie z tradycyjna «maładafrontaŭskim» uchiłam. Jana budzie pryśviečana pytańniu dałučeńnia Biełarusi da Jeŭrapiejskaj Chartyi pa Ałkaholu.
-
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak
-
Paviedamleńnie, što na fest u Budsłavie pryjazdžaŭ mitrapalit Vienijamin, było pamyłkovym
-
Na Sož spuścili «Pasiejdona». U Homieli stvaryli sučasny ciepłachod z soniečnymi panelami i pieršym u Biełarusi vadamiotnym ruchačom
Ciapier čytajuć
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak35
Kamientary