Kiraŭnik dziaržavy ličyć nieabchodnym bolš uzvažana padychodzić da pryznačeńnia pakarańniaŭ, źviazanych z pazbaŭleńniem voli.
Pra chod pracy nad Kancepcyjaj udaskanaleńnia mier kryminalnaj adkaznaści i sistemy vykanańnia kryminalnych pakarańniaŭ paviedamiŭ 24 žniŭnia Alaksandru Łukašenku hienieralny prakuror Biełarusi Ryhor Vasilevič.
Jak paviedamlaje
Łukašenka taksama zapatrabavaŭ «uzmacnić prakurorski nahlad za vykanańniem zakanadaŭstva ŭsimi pravaachoŭnymi i kantrolnymi orhanami, značna bolš uvahi nadavać tamu, jak zabiaśpiečvajucca pravy i svabody hramadzian».
Prezidentu było paviedamlena pra zachady, nakiravanyja na papiaredžańnie i vykaranieńnie pravaparušeńniaŭ. Za siem miesiacaŭ 2010 hoda kolkaść asabliva ciažkich złačynstvaŭ u krainie skaraciłasia na 11%, ź ich zabojstvaŭ — na 20%, ciažkich cialesnych paškodžańniaŭ — na 12%, hrabiažoŭ — na 14%. Taksama amal na 13% skaraciłasia złačynnaść siarod niepaŭnaletnich.
Razam z tym zachoŭvajecca i šerah prablem. Tak, nie skaračajecca recydyŭnaja złačynnaść, što śviedčyć pra niedachopy ŭ pracy jak orhanaŭ prakuratury, jakija abaviazanyja kaardynavać pracu pa papiaredžańni złačynstvaŭ, tak i niepasredna orhanaŭ unutranych spraŭ, a taksama miascovych vykanaŭčych i rasparadčych orhanaŭ. Zachavałasia na ŭzroŭni minułaha hoda i kolkaść rabavańniaŭ.
U biahučym hodzie prakuratura ŭzmacniła nahlad za pracaj subjektaŭ, nadzielenych kantrolnymi paŭnamoctvami: u ich adras uniesiena 742 akty prakurorskaha nahladu, 378 słužbovych asob pryciahnutyja da adkaznaści.
Kamientary