Niekalki fatahrafij va ŭmiełych rukach mohuć stać zbrojaj. Kampramietujučyja zdymki estonskaha dypłamata byli vyrableny z dapamohaj «Fatašopa».
Niekalki fatahrafij va ŭmiełych rukach mohuć stać zbrojaj. Kampramietujučyja zdymki estonskaha dypłamata byli vyrableny z dapamohaj «Fatašopa».
Voś adzin z samych «mocnych» zdymkaŭ časovaha pavieranaha ŭ spravach Estonii ŭ Biełarusi Chary Łachtejna. Jon vyklikaŭ chvalu abmierkavańniaŭ.
Bolšaść kamientataraŭ uhledzieła tut niajakasnuju kampanoŭku ź niekalkich zdymkaŭ z dapamohaj kampjutarnaj prahramy «Fatašop». Nasamreč, u vočy kidajecca nieadpaviednaść koleraŭ i aśviatleńnia na roznych učastkach zdymka. U dadatak, ruka mužčyny (na fota abviedzienaja avałam) dakranajecca da dziaŭčyny vielmi ŭžo nienaturalna.
Hetaja nienaturalnaść jašče bolš vyraznaja na nastupnym zdymku. Paŭprazrystyja palcy i ruki śviedčać albo ab apracoŭcy zdymka ŭ hrafičnym redaktary, albo ab renthienaŭskim vypramieńvańni fotakamiery. Ale ž apošniaje niemahčyma.
Amatary fatahrafii mohuć navat acanić usie paramietry, pry jakich rabilisia zdymki.
Darečy, madel kamiery, vykarystanaja niezadavolenaj biełaruskaj, zusim nie naležyć da liku zvyčajnych aksiesuaraŭ rydykiula. Heta choć i adna z samych kampaktnych, ale ŭsio ž lustranaja kamiera. Davoli składanaja ŭ kiravańni i patrabuje niemałoha zapasu viedaŭ i ŭmieńniaŭ. Jana nie tolki važyć, razam z abjektyvam, pad kiłahram, ale jašče i zajmaje našmat bolš miesca, čym zvyčajnyja mylnicy. Navošta heta ŭsio ciahać z saboj pa restaracyjach? Adkaz prosty. Kenan 500D dazvalaje rabić fotazdymki vialikaha pamieru, akurat prydatnyja dla raznastajnaj apracoŭki ŭ fotašopie.
Karaciej, idealny varyjant dla žurnalista, jaki nie choča pryciahvać uvahu prafiesijnaj aparaturaj, ale pry hetym žadaje atrymać zdymki dobraj jakaści.Dyj nie tolki žurnalista. Dla luboha, chto choča padrychtavać «mocny» materyjał.
Siarod apublikavanych zdymkaŭ jość i takija, što nie vyklikajuć nijakich sumnievaŭ. Adnak, razam z hetym, jany śviedčać tolki ab tym, što estonski dypłamat lubiŭ naviedvać staličnyja restaracyi ŭ kampanii pryhožych dziaŭčat. A dziaŭčaty na zdymkach demanstrujuć žadańnie viesieła pravieści čas i nijak nie vyhladajuć na niedastupnych i hanarlivych.
Napeŭna, tamu dypłamat i kontrraźviedčyk Łachtejn paśla publikacyi zdymkaŭ padaŭ u adstaŭku. Fatašop byŭ prosta dadatkovym arhumientam.
Ciapier čytajuć
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie4
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1212
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva12
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3232
Kamientary