Krytyčny film staŭ adkazam na «Chrosnaha Baćku».
Źmiaščajem videa i stenahramu siužeta, jaki vyjšaŭ na ANT uviečary 1 vieraśnia pad zahałoŭkam «Skandał u rasijskim siehmiencie interneta».
«Čycinskija videaamatary apublikavali zdymki frahmientu niadaŭniaj pajezdki rasijskaha premjera na rasijskim aŭtamabili pa rasijskaj darozie.
Nieadreahavany rolik abvierh usio, što fiederalnyja kanały staranna pakazvali telehledačam nie adzin dzień.
Čatyry dni premjer Pucin paziravaŭ pierad telekamierami ŭ roli ŭdzielnika aŭtaprabiehu «Čyta — Chabaraŭsk». Novuju trasu «Amur», jak paviedamlałasia, Uładzimir Uładzimiravič adčuŭ za rulom aŭtamabila
Hetyja chłopcy — aŭtaamatary z Zabajkalskaha kłuba pazadarožnikaŭ-«dyviersantaŭ». I siońnia jany całkam apraŭdali svaju nazvu: amatary džypaŭ akazalisia i amatarami sumlennaha videa. Źniatyja imi i apublikavanyja ŭ internecie frahmienty aŭtaprabiehu akazalisia sapraŭdnaj dyviersijaj. Pucina padčas pajezdki supravadžała amal sotnia śpiecaŭtamabilaŭ, pryčym siarod ich nie było nivodnaha rasijskaha. A prykmietnych žoŭtych «Kalin» akazałasia ažno try: 2 jechali svaim chodam, a treciuju vieźli na płatformie.
Pa słovach džypieraŭ, ź imi nieadnarazova pravodzili instruktaž, praviarali dakumienty i aŭtamabili. Ich nastaŭlali, dzie stajać, jak trymać ruki, jak siabie pavodzić, nie iści nasustrač, nie padavać ruki, nie machać rukami. Patłumačyli, što kazać, pravieryli, ci niama z saboj transparantaŭ. Usio heta mahło adbyvacca na praciahu 2165 km premjerskaha aŭtaturne, miarkujuć aŭtamabilisty, a vydatki na ŭsiu apieracyju — pieravysić hadavy biudžet nievialikaha rasijskaha horada.
Čatyry dni pracy kramloŭskich pijarščykaŭ i žurnalistaŭ ź biudžetam televizijnaha filma pajšli sabaku pad chvost. Da dźviuch viadomych rasijskich biedaŭ dadałasia treciaja — durni na darozie. I z mašynami niešta nie toje — internet ciapier prosta zachlisnuła krytyka pradukcyi rasijskaha aŭtaprama. I navat sabranaja dla Pucina «Kalina» z dystancyjaj u 350 km nie spraviłasia — daviałosia mianiać. I z darohami niajomka atrymałasia — tut sam Pucin paćvierdziŭ, što tysiačy kiłamietraŭ asfaltu bieź infrastruktury — prasiołačnaja daroha, a nie fiederalnaja trasa. I apieracyja «Amur» pa stvareńni stanoŭčaha imidžu enierhičnaha palityka pravaliłasia. Žurnalisty dobrasumlenna cytavali Pucina, jaki nibyta abiacaŭ pieradać mašynu, na jakoj usio pieraadoleŭ, u muziej «AŭtaVAZ». Tolki jakuju z troch? Biazhłuździca atrymałasia. Ci spadziavalisia, što avoś nichto nie daviedajecca? Płan Pucina — budučynia Rasii».
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary