Крытычны фільм стаў адказам на «Хроснага Бацьку».
Змяшчаем відэа і стэнаграму сюжэта, які выйшаў на АНТ увечары 1 верасня пад загалоўкам «Скандал у расійскім сегменце інтэрнэта».
«Чыцінскія відэааматары апублікавалі здымкі фрагменту нядаўняй паездкі расійскага прэм’ера на расійскім аўтамабілі па расійскай дарозе.
Неадрэагаваны ролік абверг усё, што федэральныя каналы старанна паказвалі тэлегледачам не адзін дзень.
Чатыры дні прэм’ер Пуцін пазіраваў перад тэлекамерамі ў ролі ўдзельніка аўтапрабегу «Чыта — Хабараўск». Новую трасу «Амур», як паведамлялася, Уладзімір Уладзіміравіч адчуў за рулём аўтамабіля
Гэтыя хлопцы — аўтааматары з Забайкальскага клуба пазадарожнікаў-«дыверсантаў». І сёння яны цалкам апраўдалі сваю назву: аматары джыпаў аказаліся і аматарамі сумленнага відэа. Знятыя імі і апублікаваныя ў інтэрнэце фрагменты аўтапрабегу аказаліся сапраўднай дыверсіяй. Пуціна падчас паездкі суправаджала амаль сотня спецаўтамабіляў, прычым сярод іх не было ніводнага расійскага. А прыкметных жоўтых «Калін» аказалася ажно тры: 2 ехалі сваім ходам, а трэцюю везлі на платформе.
Па словах джыпераў, з імі неаднаразова праводзілі інструктаж, правяралі дакументы і аўтамабілі. Іх настаўлялі, дзе стаяць, як трымаць рукі, як сябе паводзіць, не ісці насустрач, не падаваць рукі, не махаць рукамі. Патлумачылі, што казаць, праверылі, ці няма з сабой транспарантаў. Усё гэта магло адбывацца на працягу 2165 км прэм’ерскага аўтатурнэ, мяркуюць аўтамабілісты, а выдаткі на ўсю аперацыю — перавысіць гадавы бюджэт невялікага расійскага горада.
Чатыры дні працы крамлёўскіх піяршчыкаў і журналістаў з бюджэтам тэлевізійнага фільма пайшлі сабаку пад хвост. Да дзвюх вядомых расійскіх бедаў дадалася трэцяя — дурні на дарозе. І з машынамі нешта не тое — інтэрнэт цяпер проста захліснула крытыка прадукцыі расійскага аўтапрама. І нават сабраная для Пуціна «Каліна» з дыстанцыяй у 350 км не справілася — давялося мяняць. І з дарогамі няёмка атрымалася — тут сам Пуцін пацвердзіў, што тысячы кіламетраў асфальту без інфраструктуры — прасёлачная дарога, а не федэральная траса. І аперацыя «Амур» па стварэнні станоўчага іміджу энергічнага палітыка правалілася. Журналісты добрасумленна цытавалі Пуціна, які нібыта абяцаў перадаць машыну, на якой усё пераадолеў, у музей «АўтаВАЗ». Толькі якую з трох? Бязглуздзіца атрымалася. Ці спадзяваліся, што авось ніхто не даведаецца? План Пуціна — будучыня Расіі».
Хто забараняе ў Беларусі кнігі — вось гэтыя 22 чалавекі33
Каментары