Da «Dažynak» u Maładziečnie źjaviacca ladovaja arena i akvapark
Pastaviać pomnik i ŭradžencu rajona Janku Kupału.
Adbyłasia pašyranaja narada pa pytańniach praviadzieńnia śviata ŭradžaju ŭ 2011 hodzie.
— My miarkujem, što «Dažynki» ŭ Maładziečnie mohuć stać lepšymi za ŭsie papiarednija i imi pačniecca novy etap u raźvićci sielskaj haspadarki, — zajaviŭ staršynia Minskaha abłvykankama Barys Batura. — Nie sutnaść pryvieści ŭ paradak Maładziečna. Heta nie tak składana zrabić. A voś usiu vobłaść «pieratreści» nie tak prosta, ale heta treba zrabić. Treba pryvodzić u paradak usie padjezdy da Maładziečna. A heta — usia vobłaść. I ŭ absiahu hetych tras taksama — žyllo, inšyja budynki i zbudavańni, uładkavańnie azioraŭ, rečak, prydarožny servis, žyllova-kamunalnaja haspadarka i absłuhoŭvańnie. Treba navieści paradak i ŭ pramysłovaści. Na siońnia, zdajecca,
horš, čym u Maładziečnie, pramysłovaść nidzie nie pracuje.
Zadača Ministerstva pramysłovaści i naša «zakrucić» hetyja pradpryjemstvy, zadziejničać mahutnaści, znajści za hety čas kankretnaje prymianieńnie pramysłovym budynkam i zbudavańniam.
I, kaniešnie, sielskaja haspadarka. My stavim zadaču na nastupny hod dasiahnuć uradžajnaści pa zbožžavych 50 centnieraŭ z hiektara. I, biezumoŭna, usia ziamla pavinna być pryviedzienaja va ŭzorny paradak. Ja maju na ŭvazie i fiermy, i kompleksy, i ptuškafabryki, jakija jość na terytoryi Maładziečanskaha rajona.
Chaciełasia b, kab i ideałohija «Dažynak» była abnoŭlenaja.
Mahčyma možna budzie znajści niejkuju novuju iskrynku.
Da «Dažynak» u Maładziečnie
paŭstanie spartova-zabaŭlalny kompleks ź ladovaj arenaj na 2 tysiačy hledačoŭ, basiejnam na piać darožak i nievialikim akvaparkam.
U haradskim mikrarajonie №6 źjavicca dziciačy sadok. Praviaduć rekanstrukcyju dziciačaj balnicy. U skviery kala centralnaj płoščy źjavicca pomnik Janku Kupału,a na vulicy Prytyckaha — fantan u vyhladzie Paparać-kvietki. Praduhledžvajecca rekanstrukcyja histaryčnaha centra horada — Staroha Miesta. Tut paŭstanuć handlovyja rady z suvienirami.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary