Prafesara Haradzienskaha medyčnaha ŭniversytetu Alesia Astroŭskaha i žurnalista Uładzimiera Chilmanoviča, jakija pikietavali pierad Haradzienskim harvykankamam, milicyjanty zavieźli ŭ pastarunak na vulicy Haradničanskaj.Tam u ich uziali tłumačeńni i skłali pratakoł kanfiskacyi plakataŭ. Zatym, asobna, u pastarunak dastavili žonku spadara Astroŭskaha Aksanu ź dziećmi — Śvietaj, Jankam i Vasilom, jakomu dva hady.
Pavodle Aksany Astroŭskaj, milicyjant zadavaŭ pytańni: chto byŭ inicyjataram pikietu, chto pisaŭ plakaty, ź jakoj nahody jany vyjšli na płošču Lenina? Jana, u svaju čarhu, zapatrabavała, kab pakazańni zapisvali na biełaruskaj movie, milicyjant pahadziŭsia.
Aleś Astroŭski zaznačaje, što spačatku ich zaprasili ŭ harvykankam da namieśnicy staršyni Iryny Sienčankavaj, i razmova adbyłasia ŭ kanstruktyŭnym rečyščy — nakont mahčymaści adkryćcia adnoj pieršaj klasy ź biełaruskaj movaj navučańnia. Praŭda, jon skazaŭ, što kali heta nia budzie vykanana, jon zabiare dačku sa škoły i budzie najmać repetytaraŭ. Jaho tym bolš ździviła, što paśla takoj razmovy ich čakali čałaviek piać milicyjantaŭ.
Spadar Astroŭski kaža, što milicyjant pytaŭsia: čamu jany nie padali zajavu na pikiet za piatnaccać dzion? Ale ž u baćkoŭ było spadziavańnie, što ichniaj dačce Śviatłanie zabiaśpiečać navučańnie na biełaruskaj movie. Adnak 1 vieraśnia jany pierakanalisia, što nadziei byli marnyja. Pavodle jaho, milicyjant skazaŭ: vy parušyli zakon i vam mohuć prysłać pozvu ŭ sud.
-
Kiraŭnikoŭ dabračynnaj arhanizacyi trymajuć u SIZA i vinavaciać u zdradzie dziaržavie za dapamohu dzieciam vajny
-
«Mnie tak dobra raniej nikoli nie było». Jak žyvie biełaruskaja siamja, u jakoj žonka addała nyrku mužu
-
U minskim aeraporcie zapuścili testavańnie servisu pa samastojnaj rehistracyi i zdačy bahažu
Kamientary