Navučańnie biełaruskaj narodnaj vyšyŭcy.
Majstar narodnaj tvorčaści Halina Rudnickaja pravodzić čarhovy nabor na kursy biełaruskaj narodnaj vyšyŭki hrupy pieršaha i druhoha hoda navučańnia.
Zaniatki buduć ładzicca ŭ pamiaškańni Minskaha abłasnoha centra narodnaj tvorčaści (vuł. Hikały, 4), u dvuch krokach ad st.m. «Płošča Ja.Kołasa».
Prahrama kursaŭ raźličanaja na 2 navučalnyja hady (z kastryčnika pa maj). U pieršy hod vyvučajucca bolš raspaŭsiudžanyja techniki vyšyŭki, u druhi — bolš redkija i składanyja.
Pry achvocie padčas zaniatkaŭ možna atrymać padrabiaznyja kansultacyi pa šyćci i azdableńni biełaruskaj tradycyjnaj kašuli (jak mužčynskaj, tak i žanočaj), a taksama dapamohu pry padrychtoŭcy da ŭstupleńnia ŭ Biełaruski sajuz majstroŭ narodnaj tvorčaści.
U prahramu kursaŭ uvachodzić navučańnie nastupnym technikam biełaruskaj narodnaj vyšyŭki:
1 hod navučańnia: 1. Azdobnyja švy 2. Nabor (prociah, naciah) 3. Rośpis 4. Likavaja hładź 5. Kryžyk 6. Miarežki 7. Krajavyja švy
2 hod navučańnia: 8. Złučalnyja švy 9. Ažurnaje šyćcio pa sietcy (sakaleńnie) 11. Marščeńnie 11. Vyšyŭka pa zborkach 12. Vietkaŭskaja vyšyŭka «biełym pa biełamu» (spałučeńnie vyšyŭki likavaj hładździu i šyćcia pa sietcy)
Dni praviadzieńnia zaniatkaŭ — paniadziełak, aŭtorak, sierada. Čas vyznačajecca dakładna na arhanizacyjnym schodzie pa damoŭlenaści navučencaŭ. Nabirajucca ranišniaja, dzionnaja i viačerniaja hrupy. Kolkaść navučencaŭ u hrupie ad 5 da 8 čałaviek. Zaniatki ładziacca 1 raz na tydzień, praciahłaść — 2 hadziny 15 chvilin (3 akademičnyja hadziny). Apłata — 40 tys. rub. u miesiac. Pačatak zaniatkaŭ z 1 kastryčnika.
Kantaktnaja infarmacyja:
Teł.: +375 29 1711390 begin_of_the_skype_highlighting +375 29 1711390 end_of_the_skype_highlighting
E-mail: [email protected]
Kamientary