Italjanski senat pryniaŭ rezalucyju pa Biełarusi, pradstaŭlenuju senatarami niehvałtoŭnaj Radykalnaj partyi Italii.
Jak padaje sajt pravaabarončaha centru «Viasna», petycyja, zaćvierdžanaja italjanskim Senatam, abaviazvaje ŭrad Italii chadajničać, kab Rada Eŭropy paprasiła ŭrad Biełarusi ŭvieści maratoryj na śmiarotnaje pakarańnie, vyzvalić palityčnych viaźniaŭ Mikałaja Aŭtuchoviča i Ŭładzimiera Asipienku i arhanizavać svabodnyja i spraviadlivyja vybary 19 śniežnia, kali biełaruski narod budzie abirać svajho prezydenta.
Akramia taho, zaćvierdžany dakument prosić urad «padtrymlivać i finansavać Eŭrapiejski humanitarny ŭniversytet», navukovuju ustanovu ŭ vyhnańni ŭ Vilni, jakaja była likvidavanaja ŭładami Biełarusi ŭ 2004 hodzie.
Kamientary