Na 1 listapada mižnarodnyja reziervovyja aktyvy Biełarusi, raźličanyja pa standartach MVF, pavodle źviestak Nacbanka, skłali 5 młrd. 827,8 młn. dołaraŭ. Za miesiac jany pamienšylisia na 157 młn. dołaraŭ (na 2,6%). Pry hetym u paraŭnańni z pačatkam 2010 hoda zołatavalutnyja reziervy (ZVR) pavialičylisia na 175,3 młn. dołaraŭ (3,1%).
U struktury ZVR reziervovyja aktyvy ŭ zamiežnaj valucie skłali 3.064,50 młn. dołaraŭ, źniziŭšysia za kastryčnik na 407,70 młn. (11,7%). Z pačatku hoda ich abjom vyras na 544,60 młn. dołaraŭ (21,6%).
Manietarnaje zołata pavialičyłasia za kastryčnik na 245,3 młn. dołaraŭ (26,3%) i na 1 listapada dasiahnuła 1.179,20 młn. dołaraŭ suprać 821,1 młn. dołaraŭ na 1 studzienia.
Inšyja aktyvy na 1 listapada skłali 1.004,60 młn. dołaraŭ, što na 728,50 młn. dołaraŭ (42%) mienš, čym na pačatak hoda.
SDR (śpiecyjalnyja pravy pazyčańnia) skłali 579,5 młn. dołaraŭ suprać 578,4 młn. na 1 studzienia 2010 hoda.
Asnoŭnymi krynicami pavieličeńnia mižnarodnych reziervovych aktyvaŭ z pačatku hoda stali srodki, što pastupili ad MVF, ad prodažu pakieta akcyj AAT «Biełtranshaz», raźmiaščeńnia Respublikaj Biełaruś jeŭraablihacyj na mižnarodnym rynku, a taksama apieracyj Nacbanka na ŭnutranym rynku.
U pryvatnaści, u lutym Biełaruś atrymała 625 młn. dołaraŭ za prodaž pakieta akcyj AAT «Biełtranshaz», u sakaviku — kredyt MVF na 670 młn. dołaraŭ. U žniŭni ŭ Biełaruś pastupiŭ 1 młrd. dołaraŭ ZŠA ad raźmiaščeńnia debiutnaha vypusku jeŭrabondaŭ.
Pa płanach Nacbanka, za 2010 hod ZVR pavinny pavialičycca na 0,5–1,83 młrd. dołaraŭ, heta praduhledžana asnoŭnymi kirunkami
Adnak niezaležnyja ekśpierty prahnazujuć paharšeńnie situacyi z ZVR u suviazi z rašeńniami ŭrada pavialičyć dachody nasielnictva.
Nahadajem, z 1 listapada ŭ Biełarusi taryfnaja staŭka pieršaha razradu pavyšana na 31%, minimalnaja zarpłata — bolš čym na 54%, piensii — u siarednim na 10%, pamier biudžetu pražytačnaha minimumu i dziaržaŭnych dapamoh — na 3,1%.
Pavyšeńnie zarpłat vykliča rost popytu na impartnyja tavary i valutu — značyć, situacyja z zołatavalutnymi reziervami pahoršycca, tłumačać ekśpierty.
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary