U metach raźvićcia ŭjaznoha turyzmu ŭ Biełaruś pažadana źnizić košt viz dla inšaziemcaŭ, paviedamiŭ u paniadziełak žurnalistam pamočnik prezidenta Biełarusi pa pytańniach fizičnaj kultury, sportu i raźvićcia turyzmu Ihar Zaičkoŭ.
«Kali my chočam raźvivać ujazny turyzm, treba, kab u krainu mahli pryjechać jak zamožnyja turysty, tak i padarožniki ź mienšym dastatkam», — skazaŭ Zaičkoŭ.
Pa słovach pamočnika prezidenta, mnohija zamiežnyja turysty, pabyvaŭšy ŭ roznych ekzatyčnych krainach, chočuć čahości novaha. Biełaruś moža stać dla ich pryjemnym adkryćciom.
U toj ža čas dla raźvićcia ŭjaznoha turyzmu ŭ Biełarusi isnujuć usiakaha rodu pieraškody, u pryvatnaści vysoki košt viz dla inšaziemcaŭ, asabliva ŭ aeraportach. Zaraz Ministerstva sportu i turyzmu raspracoŭvaje prajekt ukaza ab raźvićci ŭjaznoha turyzmu.
Razhladajucca niekalki varyjantaŭ: admiena viz, admiena konsulskich zboraŭ i źnižeńnie koštu viz.
«U toj ža čas my nie chočam patrapić u situacyju, pry jakoj Biełaruś admienić vizy dla, naprykład, hramadzian Jeŭrasajuza, a ES hetaha nie zrobić», — padkreśliŭ Ihar Zaičkoŭ.
Tamu nieabchodna znajści załatuju siaredzinu, jakaja b uličvała intaresy jak dziaržavy, tak i samich turystaŭ.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam
Kamientary