Janukievič: Jarmošyna napiša 70% Łukašenku, i 1-5% inšym kandydatam
Treba rychtavacca da mirnych akcyj pratestu paśla abviaščeńnia aficyjnych vynikaŭ vybaraŭ. Takoje mierkavańnie vykazaŭ lidar Partyi BNF Alaksiej Janukievič20 listapada na pasiadžeńni partyjnaha sojma.
«Prezidenckija vybary ŭ Biełarusi ŭ cełym nie źjaŭlajucca svabodnymi i demakratyčnymi», — zajaviŭ jon. U chodzie sioletniaj vybarčaj kampanii, pavodle słoŭ Janukieviča, možna nazirać «tolki elemienty palapšeńnia ŭmoŭ jaje praviadzieńnia» — dastatkova svabodny zbor podpisaŭ, a taksama mahčymaść vystupać na telebačańni i pa radyjo ŭ žyvym efiry.
Ale ŭsio heta, ličyć palityk, «tolki šyrma libieralizacyi». «Usie rašeńni ŭład, jakija palapšajuć praktyku praviadzieńnia vybarčaj kampanii, stanoviacca biessensoŭnymi na fonie vynikaŭ farmiravańnia ŭčastkovych vybarčych kamisij: ułady ŭklučyli ŭ ich skład minimum pradstaŭnikoŭ apazicyi. Jak i na minułych vybarach, kantrol za padlikam hałasoŭ poŭnaściu znachodzicca va ŭład», — padkreśliŭ Janukievič.
Na jaho dumku, užo ciapier možna lohka pradkazać vyniki hałasavańnia, jakija buduć nazvanyja pa vynikach vybaraŭ staršynioj Centrvybarkama Lidzijaj Jarmošynaj.
«Absalutna vidavočna, što jana zajavić ab70-pracentnaj padtrymcy Alaksandra Łukašenki i 1–5 pracentach, addadzienych u padtrymku inšych kandydataŭ», — prahnazuje Janukievič.
U suviazi z hetym Partyi BNF nieabchodna rychtavacca da mirnych akcyj pratestu paśla abviaščeńnia aficyjnych vynikaŭ vybaraŭ, padkreśliŭ palityk.
Ciapier čytajuć
Siarhiej Cichanoŭski pierabraŭsia žyć u Łos-Andželes1
Kamientary