Rahačoŭski milicyjanier, jaki abvinavačvajecca ŭ zabojstvie dziaŭčyny, nie zmoh patłumačyć sudu, jak adbyŭsia vystrał.
Były ŭčastkovy inśpiektar Rahačoŭskaha RAUS, jaki abvinavačvajecca ŭ zabojstvie 22-hadovaj dziaŭčyny, na sudzie častkova pryznaŭ svaju vinu.
24 listapada Homielski abłasny sud na vyjaznym pasiadžeńni ŭ Rahačovie pačaŭ razhlad kryminalnaj spravy pavodle abvinavačańnia byłoha milicyjaniera ŭ zabojstvie žycharki vioski Žuravičy.
Jamu vystaŭlena abvinavačańnie na padstavie p. 13 č. 2 art. 139 KK (zabojstva z chulihanskich mierkavańniaŭ). Pieršapačatkova havorka išła pra zamach na zabojstva (č. 1 art. 14 i art. 139 KK), bo na momant raspačynańnia kryminalnaj spravy dziaŭčyna była žyvaja. Pavodle infarmacyi abłasnoj prakuratury, matyvaŭ zabivać dziaŭčynu ŭ abvinavačanaha nie było, tamu zabojstva kvalifikavana jak "z chulihanskich mierkavańniaŭ".
Dziaržaŭny abvinavaŭca zajaviŭ na sudzie, što milicyjanier učyniŭ zabojstva. Abvinavačany pryznaŭ, što "dapuściŭ parušeńnie praviłaŭ našeńnia, zachoŭvańnia i vykarystańnia zbroi, što ŭ vyniku paciahnuła śmierć čałavieka". Jon dadaŭ, što ŭ jaho nie było namieru zabivać dziaŭčynu. Były milicyjanier rastłumačyŭ, što ŭ viečar trahiedyi jon z kalehami byŭ pjany.
Kali jon z kampanijaj siadzieŭ u mašynie i šukaŭ tabielnuju zbroju, paciarpiełaja vykazała mierkavańnie, što ŭ jaho nie sapraŭdny pistalet.I nibyta kab pierakanać jaje ŭ zvarotnym, jon pasprabavaŭ pieradać pistalet dziaŭčynie.
Pry hetym jana nizka nachiliła hałavu da zbroi, i raptam adbyŭsia streł.Jakim čynam heta zdaryłasia, milicyjanier rastłumačyć nie zmoh.
Baćki zabitaj, jakija vystupajuć na sudzie paciarpiełymi, padali iskavuju zajavu na pakryćcio raschodaŭ na pachavańnie dački, jurydyčnyja pasłuhi i materyjalnaje pakryćcio maralnaj škody ŭ 150 młn. rubloŭ.
Trahiedyja zdaryłasia 6 lipienia 2010 hoda. U 23.00 učastkovy milicyjanier Rahačoŭskaha RAUS paraniŭ z tabielnaha pistaleta ŭ słužbovaj mašynie 22-hadovuju žycharku vioski Žuravičy. Jana atrymała ślapoje ahniastrelnaje ranieńnie hałavy. Praz 10 dzion dziaŭčyna pamierła ŭ adździaleńni reanimacyi.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?15
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2121
Kamientary