Heta Niaklajeŭ, Sańnikaŭ, Rymašeŭski, Statkievič i Michalevič. U «amierykancy» taksama siadziać Dźmitryjeŭ, Chalip, Fiaduta, Sieviaryniec, Radzina
Eks-kandydaty ŭ prezidenty Biełarusi, zatrymanyja ŭviečary 19 śniežnia ŭ čas masavaj akcyi ŭ Minsku, znachodziacca ŭ śledčym izalatary Kamiteta dziaržbiaśpieki. Ab hetym ich svajakam paviedamili 20 śniežnia pradstaŭniki KDB.
U SIZA KDB znachodziacca Uładzimir Niaklajeŭ, Andrej Sańnikaŭ, Vital Rymašeŭski, Mikałaj Statkievič i Aleś Michalevič. Paśla akcyi tudy ž byli dastaŭlenyja Ryhor Kastusioŭ i Dźmitryj Us, ale ich adpuścili 20 śniežnia.
U SIZA KDB taksama znachodziacca žonka Sańnikava žurnalistka Iryna Chalip, davieranaja asoba Niaklajeva Alaksandr Fiaduta, kiraŭnik štaba Rymašeŭskaha Pavieł Sieviaryniec, redaktar sajta «Chartyja'97» Natalla Radzina.
U KDB situacyju z zatrymanymi nie kamientujuć.
Nahadajem, unačy 20 śniežnia ŭ efiry telekanała ANT hienieralny prakuror Biełarusi Ryhor Vasilevič zajaviŭ, što śledstva vyznačyć adkaznaść kožnaha vinavataha ŭ biesparadkach u Miensku, i ŭ zaležnaści ad hetaha budzie vyrašacca pytańnie ab pryciahnieńni ich da adkaznaści.
U svaju čarhu ministr unutranych spraŭ Anatol Kulašoŭ paviedamiŭ ab zaviadzieńni ŭ dačynieńni arhanizataraŭ niesankcyjanavanaj akcyi spravy pa artykule 293 Kryminalnaha kodeksa (masavyja biesparadki). Jaje maksimalnaja sankcyja — 15 hadoŭ pazbaŭleńnia voli.
Kamientary