Cpis asobaŭ, jakija pryciahavajucca da kryminalnaj adkaznaści za padziei19-ha śniežnia, apublikavany na sajcie pravaabarončaj arhanizacyi «Viasna» my paprasili prakamentavać lidara arhanizacyi Alesia Bialackaha.
Bialacki: My sabrali hetyja źviestki ad svajakoŭ zatrymanych. Im zvanili z KDB i paviedamili, što ich rodnyja znachodziacca ŭ śledčym Izalatary KDB. Jany sami ci ich znajomyja paćvierdzili nam hetuju infarmacyju. My siońnia zajmalisia tym, što zabiaśpiečvali tym z hetych ludziej, u kaho ich niama, advakataŭ. Była i jašče adna krynica infarmacyi, jakuju ja nie mahu nazvać.
Na ŭčora ŭ śpisie było 16 čałaviek.
Drakachrust: U hetym śpisie davoli viadomyja ludzi. Ja nie ŭbačyŭ u im ludziej, jakija mahli bić šyby i łamać dźviery ŭ Domie ŭradu.
Bialacki: Tut mohuć być dva varyjanty. Ci heta było spravakavana specsłužbami i tady kancoŭ my nia znojdziem. I druhi varyjant — u hetym mahli ŭdzielničać haračyja hałovy, jakija dumali, što za 5 chvilin možna pierakulić śviet. I ŭ takim vypadku hety śpis budzie papaŭniacca.
Ale ja liču, što vialikaha złačynstva tam nie było. Raźbili škło. Heta biezumoŭna pravaparušeńnie. Ale lohkaje. My bačym, jak aceńvajucca takija pravaparušeńni ŭ narmalnych demakratyčnych krainach. Tam heta administracyjnaje pravaparušeńnie i takomu pravaparušalniku mohuć vystavić rachunak za toje, kab jon hetuju škodu kampensavaŭ.
My pamiatajem, jak Valer Ščukin byŭ škło ŭ budynku MUS, jak Aryna Viačorka biła škło ŭ milicejskim pastarunku, patrabujučy, kab joj dali infarmacyju pra syna. Ščukin byŭ pakarany administracyjnym aryštam, Viačorka — štrafam.
Drakachrust: Jak by vy mahli prakamentavać pakajańnie byłoha milicyjanta Alaksandra Kłaskoŭskaha, videarolik ź jakim byŭ vyviešany na sajcie mienskaj milicyi?
Bialacki:
Heta ŭsio ŭkładajecca ŭ seryju «efektyŭnaj» pracy KDB, jakaja, ja miarkuju. takim ža čynam spracavała i sa spadarom Ramančukom, jaki taksama źmianiŭsia na praciahu adnoj nočy.Častka ludziej chapajecca za hałavu i kažuć — što ž ja narabiŭ, ja ž za jaho hałasavaŭ. Padobnaja praktyka psychalahičnaha ŭździejańnia na zatrymanych ludziej z boku KDB prajaŭlajecca takim čynam i nia kožny moža heta vytrymać, kali jon raniej nie traplaŭ u padobnyja sytuacyi. Asabliva kali heta ludzi z kabinetnych rabotnikaŭ, intelihiencyja. Prapanujucca roznyja varyjanty vychadu z sytuacyi, pahražajuć, što ty prapadzieš kančatkova, i ŭsio heta idzie na praciahu niekalkich hadzinaŭ. Ludzi prosta «płyvuć». Heta psychalahičny cisk i tak jaho treba i ŭsprymać. Śledčyja KDB takim čynam pakazvajuć svoj prafesijny ŭzrovień. Ale mnie padajecca, što heta pakazvaje nizaść siońniašniaj ułady, jakaja idzie na takija kroki, kab na vačach usiaho hramadztva złamać ludziej.
Ciapier čytajuć
Staršynia Rady biaśpieki zaklikaŭ biełarusaŭ ustrymacca ad pajezdak u Rasiju4
Kamientary