The Guardian: Pierad Łukašenkam usio vyraźniej majačyć vobraz samalota ŭ Karakas

Z kožnym zadušanym pratestam pierad Łukašenkam usio vyraźniej majačyć vobraz słavutaha samalota, jaki čakaje na ŭźlotnaj pałasie,

Małapryvabny režym Alaksandra Łukašenki ad padzieńnia ŭtrymlivaje tolki samaja drobiaź.

U Łukašenki byŭ vydatny płan pa svaim pieraabrańni. Jon vyrašyŭ vystavić svaju krainu — Biełaruś — na aŭkcyjon. Ministr zamiežnych spravaŭ Polščy Radasłaŭ Sikorski zajaviŭ, što Biełaruś zmoža atrymać ad Jeŭrasajuza 3,5 młrd dalaraŭ u vyhladzie kredytaŭ, kali vybary buduć sumlennymi i spraviadlivymi. Łukašenka jamu padyhraŭ, daŭšy kandydatam ad apazicyi efirny čas na telebačańni i ŭstaviŭšy ŭ svaju pieradvybarčuju prahramu niekalki abnadziejlivych fraz ab zakonnaści i pryvatnaj ułasnaści.

Za tydzień da vybaraŭ svaju staŭku zrabiła Rasija. Maskva prybrała myty na ekspart nafty i zachavała dla Biełarus i adnosna nizkija ceny na haz

U dzień vybaraŭ u krainie byŭ adklučany dostup da Facebook, Twitter, LiveJournal i Gmail.

Dziasiatki tysiač čałaviek vyjšli na vulicy pratestavać suprać falsifikacyj, Łukašenka, prazvany apošnim dyktataram Jeŭropy, viarnuŭsia da zvyčajnych dla jaho mietadaŭ.

U chod pajšli pravakacyi i milicejskija dubinki. Kandydata ŭ prezidenty, źbitaha milicyjaj da straty prytomnaści, vyciahnuli z balničnaha łožka i pavieźli ŭ nieviadomym kirunku. Šeść ź dzieviaci kandydataŭ byli ŭziatyja pad aryšt. Da kanca dnia byli schoplenyja bolš za 600 aktyvistaŭ apazicyi.

Łukašenka svaim charakternym praniźlivym hołasam abviaściŭ, što jon pieraduchiliŭ pieravarot i što ŭ krainie bolš nie budzie «biazhłuzdaj demakratyi».

Adnak historyja na hetym nie zakančvajecca. Łukašenka moža sam siabie pryznačyć prezidentam, ale jaho papulizm pacierpić parazu. Pierad vybarami jon narabiŭ pazykaŭ, i ciapier jaho karotkaterminovyja abaviazalnictvy składajuć 11 miljardaŭ dalaraŭ pry ŭsio mienšych valutnych reziervach.

Pryčym Rasija-matuchna vidavočna nie źbirajecca vykazvać da błudnaha syna raniejšuju ščodraść. Jaje lidary naŭrad ci lohka zabuduć apošniuju svarku z Łukašenkam, padčas jakoj rasijskaje dziaržaŭnaje telebačańnie vypuściła šmatsieryjny dakumientalny film «Chrosny Baćka», na što biełaruskaje telebačańnie adkazała liślivym intervju sa źnienavidnym Rasii prezidentam Hruzii Michaiłam Saakašvili.

Łukašenku možna kupić, ale na jaho nielha spadziavacca. Rasija nie choča finansavać deficyt biahučaha rachunku Biełarusi, jaki dasiahnuŭ užo 14% ad VUP.

• 0
• 0
• 0
• 0
• 0
• 0
• 0
• 0