Milinkievič da kiraŭnictva ES: adnaŭleńnie adnosin tolki paśla vyzvaleńnia viaźniaŭ
Staršynia Ruchu za Svabodu Alaksandr Milinkievič nakiravaŭ list kiraŭnikam Jeŭrasajuza van Rampioju, Eštan i Fiule.
Staršynia Ruchu «Za Svabodu» Alaksandr Milinkievič nakiravaŭ list kiraŭnikam Jeŭrasajuza Chiermanu van Rampioju, Ketryn Eštan i Štefanu Fiule z zaklikam adnavić stasunki ź Biełaruśsiu tolki paśla vyzvaleńnia palitviaźniaŭ i zatrymanych 19 śniežnia.
«19 śniežnia 2010 hoda ŭ Biełarusi adbylisia prezidenckija vybary. Niahledziačy na niekatory prahres u atmaśfiery kampanii, pry padliku hałasoŭ byli zafiksavanyja surjoznyja parušeńni mižnarodnych standartaŭ. Biełaruskija ŭłady nie zabiaśpiečyli spraviadlivy i prazrysty vybarčy praces», — piša Milinkievič.
Pavodle jaho słoŭ,
šmattysiačnaja mirnaja manifiestacyja pratestu suprać falsifikacyj vybaraŭ skončyłasia nieadekvatna žorstkim hvałtam pad pretekstam učynienaj nieviadomymi asobami pravakacyi.«Zatrymana bolš za 600 demakratyčnych aktyvistaŭ, žurnalistaŭ i piać kandydataŭ u prezidenty, jakija znachodziacca ŭ turmie KDB. 22 lidaram i aktyvistam apazicyi pahražaje da 15 hadoŭ turmy», — adznačaje aŭtar lista.
Milinkievič źviartajecca da kiraŭnikoŭ ES z prośbaj «vykazać salidarnaść z achviarami palityčnaha pieraśledu, zapatrabavać ad kiraŭnictva Biełarusi nieadkładnaha vyzvaleńnia ŭsich viaźniaŭ sumleńnia i abjektyŭnaha rasśledavańnia vypadkaŭ vykarystańnia hvałtu ŭ dačynieńni da ŭdzielnikaŭ manifiestacyi».
«U adkaz na masavaje parušeńnie pravoŭ čałavieka Jeŭrasajuzu varta zaprapanavać biełaruskamu ŭradu «nulavy varyjant»: adnosiny Biełarusi i Jeŭrasajuza adnaŭlajucca tolki paśla vyzvaleńnia palitviaźnia Mikoły Aŭtuchoviča, usich zatrymanychDla praciahu dyjałohu ź Jeŭrasajuzam ułady Biełarusi pavinny abjavić maratoryj na palitźniavolenych», — ličyć Milinkievič.eks-kandydataŭ u prezidenty i aktyvistaŭ, aryštavanych 19 śniežnia i paśla.
Na jaho dumku, novy płan supracoŭnictva «nie pavinien być pryviazany vyklučna da elektaralnych padziejaŭ». «Jon maje ahavorvać palapšeńnie ŭmovaŭ dziejnaści NDA, partyj i miedyja, a taksama atrymańnia zamiežnaj dapamohi», — piša palityk.
«Dla parłamienckich vybaraŭ 2012 hoda asnoŭnaj umovaj ich pryznańnia nieabchodna pastavić pryncyp «kandydaty i ŭłada ličać hałasy razam», — prapanuje lidar Ruchu «Za Svabodu».
Ciapier čytajuć
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus papaŭ bieśpiłotnik48
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus papaŭ bieśpiłotnik
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu99
Kamientary