Heta daje padstavy dla sumnievaŭ, ličyć Michaś Skobła.
«Toje, što Uładzimira Niaklajeva chavajuć ad ludziej, moža śviedčyć pra toje, što jon mocna źbity, ale ŭsio ž moža niešta „lišniaje“ skazać»,
— upeŭnieny paet Michaś Skobła.
U intervju «Biełsatu» Michaś Skobła źviarnuŭ uvahu na toje, što pavodle pracaŭnikoŭ KDB Uładzimir Niaklajeŭ paprasiŭ pieradać jamu piśmovyja prynaležnaści, adnak nie paprasiŭ pieradać akulary. «Heta daje padstavy dla sumnievaŭ, — ličyć paet. —
Tyja turemnyja nahledačy, vidać, nie viedajuć, što spadar Uładzimir apošnim časam ni čytać, ni pisać biez akularaŭ nie moh».
Na dumku paeta, samaje hałoŭnaje ciapier dla ŭsich źniavolenych praz palityčnyja matyvy — heta salidarnaść inšych ludziej.
«Niaklajeŭ rodam z Kreva, a paezija jahonaja — z kryvi i płoci Biełarusi, z movy jaje, z dychańnia jaje. Paet, jaki napisaŭ takija radki: „Kali pisać, to tak pisać, jak bliskavicu doŭžyć bliskavicaj“, —
mnie zdajecca, jon nie złamajecca. Bliskavicu ŭ turmu nie schavaješ.
Vytrymki i zdaroŭja jamu», — dadaŭ Michaś Skobła.
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary