Ministar zamiežnych spraŭ Kanady Łoŭrens Kenan vystupiŭ z zajavaj, u jakoj vykazaŭ zaniepakojenaść losam Uładzimiera Niaklajeva i inšych zatrymanych aktyvistaŭ apazycyi.
Ministar zajaviŭ, što daručyŭ časovamu pavieranamu ŭ spravach Kanady ŭ Biełarusi pieradać uradu Respubliki Biełaruś «hłybokaje rasčaravańnie» sytuacyjaj u Biełarusi. Ministar vykazaŭ zaniepakojenaść losam zatrymanych aktyvistaŭ apazycyi, u tym liku Uładzimiera Niaklajeva, stan jakoha zastajecca nieviadomy.
«Kanada vykazałasia jasna i pierakanaŭča, što asudžaje represii suprać demanstrantaŭ, u pryvatnaści, źbićcio i zatrymańnie mnohich lideraŭ apazycyi. My źjaŭlajemsia śviedkami kroku nazad, i ja nastojliva zaklikaju ŭłady Biełarusi źmianić nakirunak i adstojvać demakratyčnyja pryncypy, pavažać pravy čałavieka i viaršenstva zakona. Ludzi Biełarusi zasłuhoŭvajuć taho, kab ich hołas byŭ pačuty biez pahrozy hvałtoŭnaha pakarańnia» — havorycca ŭ zajavie.
Heta ŭžo nia pieršaja zajava ministra zamiežnych spraŭ Kanady paśla prezydenckich vybaraŭ 19 śniežnia ŭ Biełarusi.
Raniej pradstaŭniki biełaruskaj dyjaspary ŭ Kanadzie źviarnulisia da kanadyjskaha ŭradu z zaklikam spryjać spynieńniu palityčnych represijaŭ u Biełarusi.
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary