Siońnia eks-kandydat u prezidenty pieranios hipiertaničny kryz.
Advakatka Tamara Sidarenka zaklikała źviarnuć uvahu na stan zdaroŭja eks-kandydata ŭ prezydenty Ŭładzimiera Niaklajeva, jaki siońnia pieranios hipertaničny kryz.
U interviju Radyjo Svaboda jana adznačyła:
"Abvinavačańnie Niaklajevu pradjaŭlena, ale my praktyčna nie dapytanyja. Bo važniej za abvinavačańnie toj fakt, što jon siońnia pieranios hipertaničny kryz. Stan zdaroŭja ŭ jaho vielmi niavažny. Jon nie špitalizavany, chacia sa słovaŭ Niaklajeva, jość niebiaśpieka paŭtornaha kryzu i insultu vielmi vialikaja. Asabliva, kali ŭličyć, što jon z 1999 hodu na ŭliku i ŭžo tady pieranios insult. Jaho stan davoli drenny".
Sidarenka skazała, što ŭ Niaklajeva zatarmožanaja havorka i vielmi vysoki cisk 220 na 160, što dla jaho nikoli nie było charakterna.
"Samy vialiki cisk, jaki vyklikaŭ umiašańnie lekaraŭ, byŭ 180. Tamu ŭjavicie sabie. Čałaviek ličyć, što jon faktyčna moža pamierci. Letalny zychod byŭ niepaźbiežny, i ciapier, sa słovaŭ Niaklajeva, vyratavała tolki toje, što u kamery byŭ adzin sukamernik, astatnija byli na prahułcy. Toj ubačyŭ, što Niaklajevu drenna, jon hublaje prytomnaść i vyklikali chutkuju. Tamu nieviadoma čym by heta jašče skončyłasia".
Sidarenka napisała chadajnictvy pra nieadkładnuju špitalizacyju Ŭładzimiera Niaklajeva i pra źmienu miery strymańnia.
Ciapier čytajuć
Siarhiej Cichanoŭski pierabraŭsia žyć u Łos-Andželes1
Kamientary