Prakapovič: Usie našy pražekty pad pahrozaj zryvu

Situacyja ŭ źniešnim handli stavić pad pahrozu zryvu vykanańnie prahramy sacyjalna-ekanamičnaha raźvićcia Biełarusi na 2011–2015 hady.

Pra heta zajaviŭ kiraŭnik Nacyjanalnaha banka Piotr Prakapovič 1 lutaha na pasiadžeńni Savieta ministraŭ.

«Kali my nie vyrašym pytańnie sa stanoŭčym salda źniešniaha handlu da 2014 hoda, to ŭsie našy płany, pražekty, u tym liku pa pavyšeńni žyćciovaha ŭzroŭniu nasielnictva, mohuć apynucca pad pahrozaj zryvu. Nie havoračy ŭžo pra ekanamičnuju i finansavuju biaśpieku», — padkreśliŭ Prakapovič.

Pavodle jaho słoŭ, pakazčyk źniešniehandlovaha salda «pavinien być hałoŭnym dla ŭsich halinaŭ, ministraŭ, vice-premjeraŭ». «Kali heta nie vyrašym, to navošta razhladać usio astatniaje?» — skazaŭ Prakapovič.

Kiraŭnik Nacbanka nahadaŭ, što prahrama sacyjalna-ekanamičnaha raźvićcia praduhledžvaje źnižeńnie admoŭnaha źniešniehandlovaha salda pačynajučy z 2011 hoda. «Sioleta zapłanavana samaje vysokaje admoŭnaje salda — 9% da VUP. Dalej jano pavinna źnižacca», — zajaviŭ Prakapovič.

Pavodle jaho słoŭ, adnoj z asnoŭnych pryčyn pavieličeńnia admoŭnaha salda źjaŭlajecca rost impartajomistaści i enierhajomistaści pradukcyi. «Treba rabić reviziju na kožnym pradpryjemstvie: nieefiektyŭnyja i niepierśpiektyŭnyja vystaŭlać na tarhi i pradavać inviestaram», — padkreśliŭ kiraŭnik Nacbanka.

Akramia taho, ličyć jon, nieabchodna abaviazać pradpryjemstvy prymać miery pa pavieličeńni abjomu ekspartu nad impartam. «Pavinna być žorstka zapisana, što pryrost ekspartu nie mienš jak na 10% pavinien apiaredžvać pryrost impartu. Kali hetaha niama — prymać žorstkija miery. Nikudy nie varta, što my naroščvajem ekspart za košt naroščvańnia impartu», — dadaŭ Prakapovič.

Na dumku kiraŭnika Nacbanka, zaraz — «idealnyja mahčymaści» dla raźvićcia ekanomiki. «Takoj spryjalnaj situacyi, jak siońnia, nikoli nie było dla raźvićcia ekanomiki. U śviecie dastatkova finansavych resursaŭ, i jany niezapatrabavanyja, i my možam ich vykarystać», — ličyć jon.

Zamiežnyja inviestary, śćviardžaje Prakapovič, hatovy vydzialać kredyty pad zakupku abstalavańnia na prymalnych umovach. «Pytańnie tolki ŭ najaŭnaści efiektyŭnych prajektaŭ. Ale kali da hetaha stavicca z poŭnaj adkaznaściu i stvarać usie ŭmovy dla raźvićcia, luboje pradpryjemstva, lubaja halina za dva-try hady moža stać kankurentazdolnaj», — pierakanany kiraŭnik Nacbanka.

• 0
• 0
• 0
• 0
• 0
• 0
• 0
• 0