Za pamyłki i praliki.
Prezident Vieniesueły Uha Čavies, vystupajučy ŭ sieradu, 2 lutaha, pa nacyjanalnym telebačańni i radyjo ŭ suviazi z12-j hadavinaj znachodžańnia na pasadzie, upieršyniu paprasiŭ prabačeńnia pierad narodam za dapuščanyja pamyłki.
«Ja prašu prabačeńnia ŭ vieniesuelskaha naroda za dapuščanyja pamyłki i praliki, jakija zrabiŭ za 12 hadoŭ znachodžańnia va ŭładzie», — zajaviŭ Čavies.
Pry hetym jon adznačyŭ, što ŭ svajoj pracy zaŭsiody imknuŭsia palepšyć žyćcio prostaha naroda, zrabić Vieniesuełu mocnaj i kvitniejučaj.
Čavies adznačyŭ, što za 12 hadoŭ jaho prezidenctva atrymałasia źmienšyć na 60% złačynnaść u krainie, a taksama pabudavać tysiačy kvateraŭ dla małamajomnych siemjaŭ.
U svaim vystupie prezident Vieniesueły zaklikaŭ palepšyć u krainie sistemu adukacyi i vychavańnia, a taksama pieratvaryć škoły ŭ «centry narodnaj baraćby». «Nie treba zabyvać, što našyja apanienty ŭsialak sprabujuć nas zhańbavać i skampramietavać u vačach moładzi. Našaja zadača — vychavać maładoje pakaleńnie ŭ duchu addanaści sacyjalistyčnym idejam», — skazaŭ Čavies.
Nahadajem, u śniežni deputaty Nacyjanalnaj asamblei Vieniesueły prahałasavali za nadzialeńnie Uha Čaviesa nadzvyčajnymi paŭnamoctvami terminam na paŭtara hoda.
Kamientary