Michasiu Lebiedziu dali 12 sutak

Sud Maskoŭskaha rajena Minska prysudziŭ Michasiu Lebiedziu 12 sutak. Jaho abvinavacili va ŭdziedie ŭ niesankcyjanavanym pikiecie, jaki pravodzili aktyvisty maładziežnych arhanizacyj 20 śniežna na płoščy Niezaležnascsi ŭ znak salidarnaści z zatrymanymi udzielnikmi akcyi pratesta 19 śniežnia.

Michaś śćviardžaŭ na sudzie, što supracouniki milicyi sfalsifikavali pratakoł, ale ž na heta nichto nie źviarnuŭ uvahi.

Sud, nahadajem, praciahvaŭsia ŭ niekalkit etapaŭ.

33-hadovaha Michasia Lebiedzia zatrymali 20 śniežnia pa darozie ŭ Čyrvony kaścioł. Jaho źbili z noh, nanieśli niekalki ŭdaraŭ dubinkaj i nahami i za nohi paciahnuli ŭ aŭtazak.

— Ja byŭ užo ŭ niekalkich mietrach ad vychadu ź mietro, jak pačuŭ za śpinoj niejki šum. Azirnuŭsia i pačuŭ: «Čaho hladziš?!" Heta byŭ śpiecnazaviec. Jon mianie adrazu paśla hetaha ŭdaryŭ i mocna šturchnuŭ. Ja nie ŭtrymaŭsia na nahach. Da jaho padbiehli inšyja i pačali mianie źbivać. Ja straciŭ prytomnaść. Užo potym u milicyi Maskoŭskaha rajona, kudy mianie pryvieźli, ja daviedaŭsia, što ŭ toj dzień na płoščy Niezaležnaści była niejkaja akcyja i jaje razahnali, — raspavioŭ „Narodnaj Voli“ Michaś Lebiedź. — Ja skazaŭ milicyjanieram, što kiepska siabie adčuvaju, a jany mianie adsyłali adzin da adnaho i „chutkuju“ nie vyklikali. Jany mianie fatahrafavali i ŭ ich na zdymkach zastaŭsia moj akryvaŭleny tvar. Aproč taho, jany paciahnuli mianie zdymać adbitki palcaŭ. Tolki ŭ 12 nočy mianie razam z zatrymanymi maładymi ludźmi pavieźli na Akreścina. Tam supracoŭniki śpiecpryjomnika, pahladzieŭšy na mianie, vyklikali „chutkuju“.

Mianie advieźli ŭ 10 kliničny špital. Napisali, što atrymaŭ ŭšyby, traŭmu pravaha biadra. Ale mnie nanieśli ŭdary i pa pazvanočniku, i voś siońnia ja musiŭ rabić tamahramu, bo ciapier z-za traŭmy pačalisia prablemy. Ale pryjšoŭ na sud. Mianie mahli i raniej sudzić, ale milicyjaniery pierabłytali ŭ poźvie sudy».

Michaś Lebiedź nie byŭ na akcyi 19 śniežnia. Jon nie viedaŭ pra akcyju, jakuju sprabavali pravieści aktyvisty demakratyčnaha ruchu 20 śniežnia. Niahledziačy na heta, jaho brutalna zatrymali padčas začystki i na źbitaha čałavieka, jaki čas ad času stračvaŭ prytomnaść, skłali pratakoł za ŭdzieł u niesankcyjanavanaj akcyi. Pry hetym jaho trymali ŭ milicyi amal 6 hadzin, fatahrafavali, brali adbitki palcaŭ i tak i nie vyklikali jamu «chutkuju».

Spravu Michasia Lebiedzia razhladaŭ sudździa Maskoŭskaha suda Jaŭhien Chatkievič.

• 0
• 0
• 0
• 0
• 0
• 0
• 0
• 0