Viasielle pad vadoj za 5 tysiač dalaraŭ u Minsku + fota

2 sakavika pozna ŭviečary ŭ minskim Pałacy vodnaha sportu Taćciana Amieljaniec i Viačasłaŭ Hryškievič zaklučali šlub… pad vadoj u basiejnie.

Maładyja — z haradskoha pasiołka Šarašova, što ŭ Pružanskim rajonie Bresckaj vobłaści. 24-hadovy Viačasłaŭ pracuje na budoŭli, 22-hadovaja Taćciana — u kramie. Siabravali daŭno, vyrašyli ažanicca. Moža, jany nikoli b i nie paleźli ŭ hety basiejn, kab nie vypadak…

U minułym hodzie pajšli ŭ Minsku na vystavu, kab nabyć tam sukienku Taćcianie na viasielle, upryhožańni na mašynu, — raskazvaje Słava. — I aŭtamatyčna stali ŭdzielnikami konkursu. Tak skłałasia, što hałoŭny pryz — zaklučeńnie šlubu ŭ hetym Pałacy vodnaha sportu — vyjhrali my. Tym nie mienš, aficyjnaje viasielle ŭ nas adbyłosia jašče ŭ lipieni minułaha hoda. Ale nie prapadać ža pryzu. Usio ž biaspłatna i tak uračysta!

Mierapryjemstva było pryznačanaje na 20.30. La basiejna maładyja stajali ŭ poŭnym viasielnym ubrańni. Viačasłaŭ — u biełym kaściumie, Taćciana — u takoj ža sukiency. Viadoŭca pavinšavaŭ hierojaŭ uračystaści, na ich praź niejki čas nakinuli akvałanhi, i tyja ŭ atačeńni dajvieraŭ apuścilisia na dno basiejna. Tam usio i prachodziła — padvodny rośpis i navat raśpićcio šampanskaha. U hety čas publiku bavili śpiavak Saša Niema i dziaŭčaty-sinchranistki.

Maładyja prasiadzieli pad vadoj chvilin dvaccać. Vypłyvali, zdajecca, zadavolenyja.

Pad vadoj takoje smačnaje šampanskaje, — pryznałasia Taćciana, choć było tak i nie zrazumieła, jak jana jaho tam piła. Dla maładych usio biaspłatna, jany za heta nie zapłacili ni rubla, — tym časam ahučvaŭ infarmacyju bolš dla žurnalistaŭ, čym dla maładych, viadoŭca. — A tak hetaje viasielle kaštavała b bolš za 5 tysiač dalaraŭ. I kampanija «Fiška.by», jakaja vystupiła adnym z hałoŭnych arhanizataraŭ mierapryjemstva, abiacaje, što takija padarunki budziem rabić kožny hod. A čamu tak doraha — až 5 tysiač dalaraŭ? Padličyli, što za ŭsio treba było b zapłacić takuju sumu. Ale nam nasustrač pajšoŭ Pałac vodnaha sportu, dajvinh-centr i hedak dalej… Samyja asnoŭnyja raschody — heta pasłuhi padvodnaha fatohrafa (kala 700 dalaraŭ), videaapieratara (kala tysiačy). Sašu Niema treba zapłacić 800 «zialonych».

…Zdajecca, usio prajšło na ŭzroŭni. Nakolki takija viasielli pryžyvucca ŭ našym hramadstvie, pakaža čas. Radaść, skažam tak, nie z samych tannych. Zrešty, maładyja takomu padarunku losu zastalisia zadavolenymi. Choć śviaty prychodziać i sychodziać. A zaŭtra — na pracu. Treba, jak kažuć, apuskacca ź niabios na ziamlu. Albo padymacca na jaje z pad vady.

• 0
• 0
• 0
• 0
• 0
• 0
• 0
• 0