Hetaja zima budzie samaj ciopłaj za apošnija 150 hadoŭ

Pavodle słoŭ kiraŭnika Hidramietcentra RF Ramana Vilfanda, anamalna mocnyja marazy, jakija naziralisia na kantyniencie ŭ siaredzinie studzienia 2006 hoda (nahadajem, što tempieratura pavietra na Biełarusi ŭ asobnyja dni tady apuskałasia da minus 32–34 hradusaŭ), – heta, chutčej, vyklučeńnie z ahulnaj tendencyi paciapleńnia. Apošnija try hady siaredniaja tempieratura pavietra zimoj na ziamnym šary pavyšajecca – pryblizna ad 0,9 da 1,3 hradusa ŭ hod. R. Vilfand zapeŭniŭ, što siaredniaja tempieratura hetaj zimoj budzie vyšej nie tolki letašniaj, ale i normy na 3–4 hradusy. Pavodle słoŭ mietearołahaŭ, śniežań pa tempieraturnych pakazčykach budzie blizkim da šmathadovych danych – u bližejšy tydzień budzie plusavaja tempieratura i dniom i ŭnačy, pachaładańnie nastupić paśla 16-ha, kali tempieratura ŭstalujecca na adznacy 4–6 hradusaŭ nižej nula, vypadzie śnieh, jaki nie rastanie na praciahu niekalkich dzion. Mietearołahi nazyvajuć jaho «nadziejnym śniehavym pokryvam».

My pryvykli ličyć, što ŭ nas čatyry pary hoda. Na samaj ža spravie ich šeść. Akramia zimy, viasny, leta i vosieni jość jašče pieradzimje i pierachodny čas hoda ad zimy da viasny. Dyk voś «šostaja» para hoda – pieradzimje – na Biełarusi ŭžo zakančvajecca. Sinoptyki padličyli, kolki na hetuju zimu prypadzie samych chałodnych i samych ciopłych dzion. Tak, u zimovyja miesiacy minimalnyja tempieratury (12–14 hradusaŭ marozu dniom, 19–21 unačy) pratrymajucca nie bolš jak dva tydni. Ale i adlih budzie nie vielmi mnoha – 15–16 dzion. Adnak, miarkujučy pa infarmacyi sa śpiecyjalizavanych Internet-sajtaŭ, nieviadoma, kali mienavita buduć hetyja dni i buduć jany zapar adzin za adnym, ci pojduć urazbiŭku. Adzinaje, što možna skazać ź niekatoraj dolaj upeŭnienasci, dyk heta toje, što Novy hod paraduje nas, choć i nievialikim, ale ŭsio ž marozam. Dakładna skazać, jakaja mienavita tempieratura pavietra budzie na śviaty, zaraz nielha, bo ŭsie siońniašnija prahnozy śpiecyjalistaŭ robiacca ź vierahodnaściu ŭ 75 pracentaŭ. Mietodyka mietearołahaŭ dazvalaje rabić bolš-mienš dakładny prahnoz na 3–5 sutak. Rabić dakładnyja prahnozy na paŭmiesiaca i bolš zaraz technična prosta niemahčyma.

Takim čynam, rasijskija sinoptyki abviarhajuć papiaredžanni brytanskich daśledčykaŭ ab tym, što ŭžo praz dva dziesiacihoddzi klimat u Jeŭropie moža stać značna chaładniejšym, što vyklikana źmianieńniami napramku płyniaŭ u Atłantyčnym akijanie.

Vučonyja z Brytanskaha Nacyjanalnaha akijanahrafičnaha centra vyjavili , što płyni, utvoranyja Halfstrymam – ciopłym ciačeńniem, jakoje abmyvaje Vialikabrytaniju i Paŭnočnuju Jeŭropu, słabiejuć, tamu jany zaklikali jeŭrapiejcaŭ «rychtavacca chutčej da pachaładańnia klimatu ŭ Jeŭropie, čym da jaho paciapleńnia». Heta stała vynikam bolš čym 50-hadovych nazirańniaŭ za Atłantykaj. Miž tym, niekatoryja rasijskija vučonyja taksama ličać, što Ziamla zaraz bližej da abledzianieńnia, čym da hłabalnaha paciapleńnia. Adnym z prychilnikaŭ hetaj teoryi źjaŭlajecca akademik, dyrektar Instytuta hłabalnaha klimatu i ekałohii Juryj Izrael. Ziamla za apošnija paŭmiljona hadoŭ pieražyła ŭžo čatyry pieryjady achaładžeńnia–paciapleńnia. Pry abledzianieńniach kancentracyja vuhlakisłaha hazu była ŭsiaho 180 malekuł. Jašče ŭ 1900 hodzie hety pakazčyk składaŭ 280 malekuł, siońnia – užo 380. Tamu, ličyć akademik, płanieta bližej da abledzianieńnia, čym da hłabalnaha paciapleńnia.

• 0
• 0
• 0
• 0
• 0
• 0
• 0
• 0