Sustaršynia BCHD pra Alesia Michaleviča.
Sustaršynia arhkamitetu pa stvareńni partyi «Biełaruskaja chryścijanskaja demakratyja»,
«Ja całkam razumieju ŭčynak Alesia i nie asudžaju jaho. Biezumoŭna, za miažoj jon budzie ŭ značna bolšaj biaśpiecy», — adznačyŭ sustaršynia BCHD.
«Dla siabie ja nie razhladaju varyjantu emihracyi. U Biełarusi zaŭsiody było niebiaśpiečna zajmacca palitykaj, jak da 19 śniežnia, tak i paźniej. Za maimi plačyma staić partyja „Biełaruskaja chryścijanskaja demakratyja“ i, kali emihruju ja ci chtości inšy z kiraŭnicva BCHD, tady treba budzie pa krysie emihravać usioj partyi, bo jana nie spynić svajoj dziejnaści», — miarkuje Vital Rymašeŭski.
Palityk taksama prakamentavaŭ toj fakt, što ŭ Biełarusi zastałasia siamja Alesia Michaleviča.
«Ja dumaju, što ŭ siońniašnich umovach jon nie moh pastupić inakš. U svaju čarhu „Biełaruskaja chryścijanskaja demakratyja“ budzie sačyć za losam siamji Alesia, budzie akazvać joj usialakuju mahčymuju dapamohu i padtrymku», — paviedamiŭ sustaršynia BCHD.
Vital Rymašeŭski, aproč taho, zakranuŭ vykazvańnie Alesia Michaleviča, pra toje, što jon budzie praciahvać pracu «nad spynieńniem katavańniaŭ i vyzvaleńniem usich, chto niezakonna ŭtrymlivajecca pa palitmatyvach». «Usio zaležyć ad samoha Alesia. Da vybaraŭ jon nie išoŭ suprać ułady, paśla vychadu z turmy taksama krytykavaŭ tolki KDB, nie zakranajučy Alaksandra Łukašenku i dziejsnuju uładu. Ciapier za miažoj jon budzie ŭ značna bolš svabodnych umovach. Ja dumaju, što ciapier jon zmoža bolš svabodna vykazvacca», — ličyć sustaršynia BCHD.
-
«Ja nie chaču ŭ zahončyk biełaruščyny». Knyrovič adkazaŭ na krytyku za ŭdzieł u kancercie na Dzień Rasii
-
Fiaduta pra Aŭtuchoviča: U dvoryku «Amierykanki» jon uparta rabiŭ praktykavańni, imknučysia padtrymlivać siabie ŭ formie
-
Ci jość siarod siłavikoŭ u turmach i kałonijach dobryja ludzi? Adkazvaje Łosik
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?15
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2121
Kamientary