Sudździ, jakomu daviarajuć vieści hučny palityčny praces, jość što hublać. Piša Ludmiła Mirzajanava, maci palitviaźnia.
Sudździa, jakomu daviarajuć vieści hučny palityčny praces, užo atrymaŭ pracu, pasadu, status, zarobak. Jamu ŭžo jość što hublać. Piša Ludmiła Mirzajanava, maci palitviaźnia Fiodara Mirzajanava.
Admietnuju asablivaść palityčnych sudoŭ pa spravie 19 śniežnia adznačyŭ A. Labiedźka. Sudździ na hetych hučnych pracesach -- «vyklučna žančyny». Takim čynam, mužčyny-sudździ, vyjaŭlajučy sacyjalnuju chitraść, rukami žančyn robiać viertykalnuju karjeru.
Prymajučy pad uvahu mierkavańnie lidera AHP, chaču ŭsio ž zaŭvažyć, što sprava tut nie tolki ŭ sacyjalnaj chitraści biełaruskaha mužčyny-sudździ.
Nazirańni za sudovymi pracesami pa spravie "dziekabrystaŭ", hutarki z palitykami, jakija prajšli praz «małoch» biełaruskaha pravasudździa, dazvalajuć zrabić sumnuju vysnovu: "Jość taki vid -- biełaruski sudździa jak vynik «evalucyi»! I heta niezaležna ad połavaj prynaležnaści! Na praciahu siamnaccacihadovaha praŭleńnia ciapierašniaj ułady
ŭ mnohich rabotnikaŭ sudovaj sistemy sfarmavalisia źmieny, što zabiaśpiečyli im paśpiachovuju adaptacyju ŭ isnujučych umovach, kali hałoŭnym vystupaje nie zakon, a spuščanaje źvierchu pradpisańnie. Jość čym hanarycca hałoŭnym sielekcyjanieram, jakija vučać pracavać z papierami, vučać pracavać pa zvanku, ale nie vučać pracavać ź ludźmi, pracavać tolki pa zakonie!
Viadoma, vopyt adaptacyi da biełaruskaj sistemy pravasudździa nie pieradajecca prosta ŭ spadčynu ad mamy-sudździ da dački-sudździ abo ad starejšaj kalehi pa prafiesii da śpiecyjalista-pačatkoŭca (jak viadoma, dośvied na piensiju nie sychodzić!). Asabista-prafiesijnyja źmieny adbyvajucca pastupova, i vyklikanyja jany dziejańniem asablivych umoŭ, u jakich davodzicca vykonvać svaje prafiesijnyja abaviazki biełaruskamu sudździu.
Biełaruski sudździa, jakomu daviarajuć vieści hučny palityčny praces, biezumoŭna, da hetaha momantu ŭžo paśpiachova prajšoŭ adbor na vyžyvańnie ŭ biełaruskich realijach, jon užo prystasavaŭsia da ich, jon užo atrymaŭ pracu, pasadu, status, zarobak. Jak pryznaŭsia znajomy sudździa, jamu ŭžo jość što hublać ŭ padobnaj situacyi, pry hetym havorka jon vioŭ nie pra stratu honaru, ab čym kazaŭ u svaim bliskučym intervju Ju. Chaščavacki. Zrazumieła, čamu, atrymaŭšy zadańnie źvierchu, jon ŭklučajecca ŭ baraćbu za svajo dalejšaje isnavańnie ŭ hetaj sistemie, realizujučy pryncyp «administracyjny resurs pieramahaje tych, chto nie va ŭładzie».
Pavodle Darvina, źmieny ŭ chodzie evalucyi mohuć nabyvać dźvie formy: vyznačanuju i niapeŭnuju. Pavodziny žančyn-sudździaŭ na pracesach pa 19 śniežnia chutčej demanstruje peŭnaść źmien. Usie jany, jak adna, prytrymlivajucca adnoj schiemie, demanstrujuć adnolkavyja ŭzory pavodzin, vynosiać adnolkavyja abvinavaŭčyja prysudy. Vychodzić, evalucyjnaja daktryna słužyć niespraviadlivaści. A jak chaciełasia b, kab sud nad Statkievičam, Usam i moładździu abvierhnuŭ hetuju vysnovu! I ŭsie my raptam pierakanalisia, što adny i tyja ž umovy aŭtarytarnaha kiravańnia pa-roznamu ŭpłyvajuć na pradstaŭnikoŭ adnoj i toj samaj prafiesii.
Pryznajusia, sproba zrazumieć i abhruntavać pavodziny biełaruskich sudździaŭ-žančyn na palityčnych pracesach u rečyščy evalucyjnaj teoryi trochi hrubaja madel. Nie budziem skidać z rachunku ich asabistyja admietnaści, ich patreby, kaštoŭnaści, uzrovień patrabavańniaŭ, a taksama pieražyvanyja imi strachi.
Kamientary