«Najaŭnaść palityčnych viaźniaŭ u centry Jeŭropy — niedapuščalna»
Ketryn Eštan zapatrabavała vyzvalić biełaruskich palitviaźniaŭ.
Viarchoŭny pradstaŭnik ES pa źniešniaj palitycy i palitycy biaśpieki Ketryn Eštan zajaviła pra svajo hłybokaje zasmučeńnie prysudami byłym kandydatam na prezidenta Mikołu Statkieviču i Dźmitryju Usu.
"Hetyja palityčna matyvavanyja prysudy ŭjaŭlajuć saboj jašče adzin krok nazad u tym, što tyčycca pavahi ŭ Biełarusi pravoŭ čałavieka, viaršenstva zakona i demakratyčnych pryncypaŭ”, – havorycca ŭ zajavie Eštan.
Pradstaŭnica ES zaklikała spynić represii suprać palityčnaj apazicyi, hramadzianskaj supolnaści i niezaležnych ŚMI.
"Ja liču niedapuščalnym najaŭnaść palityčnych źniavolenych u sercy Jeŭropy ŭ XXI st. i patrabuju ich nieadkładnaha vyzvaleńnia i reabilitacyi", – padkreśliła Eštan, pieradaje Interfaks.
26 traŭnia sud Leninskaha rajona Minska pryznaŭ byłych kandydataŭ na prezidenta Mikołu Statkieviča i Dźmitryja Usa vinavatymi ŭ arhanizacyi masavych biesparadkaŭ 19 śniežnia 2010 h. i pakaraŭ ich da šaści i piaci z pałovaj hadami hadami kałonii ŭzmocnienaha režymu adpaviedna.
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary