Na im adbuducca vybary staršyni.
Siońnia ŭ Pałacy kultury Minskaha traktarnaha zavodu pačaŭsia15-ty źjezd biełaruskaj partyi levych «Spraviadlivy śviet». U im udzielničajuć kala 200 delehataŭ.
Na źjeździe budzie dadziena acenka dziejnaści partyi za 4 apošnija hady, vyznačany mety i zadačy na budučyniu. Na forumie taksama budzie abranaje novaje kiraŭnictva partyi.
Hetym razam spačatku vybieruć staršyniu partyi i jaho namieśnikaŭ, a ŭžo paśla centralny kamitet. Raniej rabiłasia naadvarot. Namieśnik staršyni partyi Valery Uchnaloŭ patłumačyŭ novaŭviadzieńnie tym, što ciapier staršyniu možna budzie abrać z šyrokaha koła partyjcaŭ, a nie abmiažoŭvacca tolki centralnym kamitetam.
Z spravazdačnym dakładam vystupaje staršynia partyi Siarhiej Kalakin. Jon u pryvatnaści adznačyŭ, što partyja «źjaŭlajecca adnoj z samych upłyvovych sił u demakratyčnym ruchu Biełarusi».
Siarhiej Kalakin rezka skrytykavaŭ kiraŭnika dziaržavy. Pavodle jahonych słoŭ, «u krainie ciapier dobra žyvuć tolki biurakratyja, jakaja razrasłasia da vielizarnych pamieraŭ, dy novaja biełaruskaja buržuazija. A ŭsim astatnim zastajecca tolki čarka dy škvarka».
Siarhiej Kalakin adznačyŭ, što siarod nasielnictva Biełarusi raście razumieńnie nieabchodnaści demakratyčnych źmienaŭ, i partyja pavinna hetym skarystacca.
Źjezd zavieršyć svaju pracu ŭ niadzielu, 29 maja.
Kamientary