Hałoŭnyja redaktary bolš čym 40 polskich ŚMI patrabujuć vyzvaleńnia hrodzienskaha žurnalista Andreja Pačobuta
Hałoŭnyja redaktary bolš čym 40 polskich ŚMI padpisalisia pad zajavaj, u jakoj vykazany pratest suprać niezakonnaha zatrymańnia ŭ Biełarusi karespandenta Gazeta Wyborcza hrodzienskaha žurnalista Andreja Pačobuta.
«My damahajemsia jaho nieadkładnaha vyzvaleńnia, a taksama źniaćcia ŭsich vystaŭlenych jamu abvinavačańniaŭ», — cytuje tekst zajavy partał Wirtualna Polska. Polskija žurnalisty ličać svajho biełaruskaha kalehu «viaźniem sumleńnia».
Pačobut utrymlivajecca ŭ hrodzienskim śledčym izalatary.
Jamu pradjaŭlena abvinavačańnie pa dvuch artykułach Kryminalnaha kodeksa Respubliki Biełaruś: častcy 1 artykuła 368 (źniavaha prezidenta Biełarusi) i pa častcy 1 artykuła 367 KK (paklop u dačynieńni da prezidenta).
Maksimalnaje pakarańnie pa pieršym artykule — čatyry hady pazbaŭleńnia voli, pa druhim — dva hady. Abvinavačańnie pradjaŭlena za publikacyi ŭ Gazeta Wyborcza, na sajcie «Biełaruski partyzan» i na staroncy ŭ «Žyvym žurnale».
6 krasavika žurnalist byŭ zatrymany na troje sutak za parušeńnie padpiski ab niavyjeździe. Pačobut źbiraŭsia ŭ Minsk dla ŭdziełu ŭ videakanfierencyi z deputatami Jeŭraparłamienta, kab raskazać pra pieraśledy z boku biełaruskaj ułady. Potym jamu była abranaja miera strymańnia — utrymańnie pad vartaj.
Raniej Pačobut zajaŭlaŭ: «Ja liču, što nijakaj źniavahi Alaksandra Łukašenki ja nie dapuskaŭ. Tak, u hetych publikacyjach utrymlivajecca krytyka Łukašenki. Ale maje publikacyi źniavah nie ŭtrymlivajuć — vyklučna krytyka. Moža być, krytyka žorstkaja, ale źniavah ja nie dapuskaŭ».
Pytańnie pra abaronu Pačobuta abmiarkoŭvałasia ŭ Varšavie na sustrečy prezidentaŭ ZŠA i Polščy Baraka Abamy i Branisłava Kamaroŭskaha, paviedamlajuć polskija ŚMI.
-
«Ja nie chaču ŭ zahončyk biełaruščyny». Knyrovič adkazaŭ na krytyku za ŭdzieł u kancercie na Dzień Rasii
-
Fiaduta pra Aŭtuchoviča: U dvoryku «Amierykanki» jon uparta rabiŭ praktykavańni, imknučysia padtrymlivać siabie ŭ formie
-
Ci jość siarod siłavikoŭ u turmach i kałonijach dobryja ludzi? Adkazvaje Łosik
Ciapier čytajuć
Siarhiej Cichanoŭski pierabraŭsia žyć u Łos-Andželes63
Kamientary