Upłyvovaje šviedskaje vydańnie Svenska Dagbladet krytykuje hałoŭnuju telekamunikacyjnuju kampaniju na rynkach sotavaj suviazi Šviecyi i Finlandyi TeliaSonera za toje, što jaje daččynaja firma ŭ Biełarusi,GSM-apieratar mabilnaj suviazi Life:) — ZAT «BieST» błakuje svaim abanientam dostup da sajtaŭ charter97.org, belaruspartisan.org i prokopovi.ch.
Pavodle Svenska Dagbladet, TeliaSonera, čyimi asnoŭnymi akcyjanierami źjaŭlajucca šviedskaja dziaržava (37,3% akcyj i hałasoŭ) i finskaja dziaržava (13,7%), stała «sapraŭdnym cenzaram» svabody słova ŭ Biełarusi» i ŭ svaich dziejańniach «pajšła jašče dalej, čym biełaruski režym».
Pavodziny hałoŭnaj paŭdziaržaŭnaj skandynaŭskaj telekamunikacyjnaj kampanii źjaŭlajucca «dziŭnymi», bo mienavita šviedski ŭrad na vysokim mižnarodnym uzroŭni robić šmatlikija zajavy adnosna «bolšaj svabody ŭ internecie».
«Tak, na minułym tydni ministr zamiežnych spravaŭ Šviecyi Karł Bilt u svajoj zajavie pra Biełaruś zhadaŭ pra prablemy krainy, u tym liku pra błakavańnie abo filtracyju
«Krytyka na adras biznesu TeliaSonera ŭ Biełarusi hučała i ŭ minułym, naprykład, u kantekście taho, što biełaruskija apieratary mabilnaj suviazi dapamahali ŭładam krainy prasłuchoŭvać razmovy apanientaŭ režymu. Na hetuju krytyku kampanija adkazała, što jana tolki prytrymlivajecca miascovych zakonaŭ.
Ciapierašnija pavodziny vyhladajuć jašče bolš admietnymi — TeliaSonera błakuje svaim abanientam dostup da krytyčna nieabchodnaj infarmacyi biez zakonnych na toje padstavaŭ.
Takim čynam, kampanija aktyŭna i śviadoma dapamahaje režymu Łukašenki ŭ represijach suprać dysidentaŭ. Heta idzie jašče dalej, čym represiŭnaje zakanadaŭstva režymu, jakoje maje na mecie spynić krytyku ŭ internecie».
Jak adznačyŭ u svaim kamientary vydańniu kiraŭnik šviedskaj pravaabarončaj inicyjatyvy Östgruppens Marcin Uhła, «kali zamiežnaja palityka dziaržavy nakiravanaja na pavyšeńnie ŭłasnaha aŭtarytetu, urad musić zabiaśpiečyć, kab dziaržaŭnyja pradpryjemstvy viali siabie prystojna i ŭ adpaviednaści z hetaj palitykaj».
«Ciapier urad Šviecyi musić skarystacca svaim pravam ułaśnika kampanii i spynić dziejnaść TeliaSonera jak cenzury ŭ Biełarusi», — zajaviŭ Marcin Uhła.
Ciapier čytajuć
Zialenski: Retranślatary na miažy Biełarusi prypynili pracu71
Zialenski: Retranślatary na miažy Biełarusi prypynili pracu
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1212
Kamientary