Śviatara Kanstancina Ždanava, zabitaha ŭ Dziśnie balšavikami, abvieścili śviatym
Pravasłaŭnaja Carkva kananizavała jašče adnaho śviatara-pakutnika, zahinułaha ad ruk kamunistaŭ. 4 červienia ŭ carkvie Uvaskrasieńnia Chrystova ŭ Dziśnie da liku śviatych byŭ uračysta dałučany ajciec Kanstancin Ždanaŭ, zakatavany balšavikami letam 1919 hoda.
Liturhiju i abrad kananizacyi ŭznačaliŭ Mitrapalit Minski i Słucki Fiłaret. Va ŭračystaści pryniali ŭdzieł amal usie biełaruskija pravasłaŭnyja jepiskapy. Viernikaŭ, jakija pryjšli na kananizacyju, było stolki, što jany nie źmiaścilisia ŭ carkvie.
Kanstancin Ždanaŭ naradziŭsia ŭ 1875 hodzie ŭ Šarkoŭščynie. U 1900 hodzie staŭ pravasłaŭnym śviatarom. Pad jaho kiraŭnictvam u 1908-1912 hodzie była zbudavanaja Śviata-Uśpienskaja carkva ŭ Šarkoŭščynie. Ajciec Kanstancin vykładaŭ Zakon Božy ŭ miascovych škołach, byŭ zasnavalnikam prytułka dla biednych. Miascovaje nasielnictva vielmi pavažała śviatara za jaho pastyrskuju dziejnaść.
U 1919 hodzie Dziśnienski paviet byŭ achopleny teroram, jaki razharnuli balšaviki. Ajca Kanstancina Ždanava aryštavali prosta paśla Liturhii i dastavili ŭ Dzisnu. Tam śviatara źbili da nieprytomnaści i žyvoha zakapali ŭ ziamlu. Paśla sychodu balšavikoŭ vierniki pierapachavali cieła ajca Kanstancina pad ałtarom Śviata-Adzihitryjeŭskaj carkvy ŭ Dziśnie. U 2008 hodzie pareštki byli ekshumavanyja, i paśla kananizacyi buduć znachodzicca ŭ admysłovaj racy ŭ Śviata-Uvaskrasienskaj carkvie.
-
«Uzorny prykład uschodniaj rasy». Čamu jeŭrapiejskaja navuka ŭ pačatku XX stahodździa vyłučała biełarusaŭ u asobnuju jeŭrapiejskuju rasu
-
U Lepielskim rajonie archieołahi znajšli burštynavyja padvieski i kamiennyja bułavy
-
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam14
Kamientary