U Homieli ŭ pieršaj sieryi «maŭklivaj revalucyi» ŭziali ŭdzieł 200 čałaviek
Kala 200 čałaviek sabralisia viečaram 8 červienia na płoščy Lenina ŭ centry Homiela. Hetaje miesca ŭ haradžan nie karystajecca papularnaściu dla prahułak i sustreč, zvyčajna płošča pustaja.
Siarod prysutnych byli ŭ asnoŭnym maładyja ludzi. Chłopcy i dziaŭčaty razmaŭlali adzin z adnym, hulali ŭ miač, katalisia pa płoščy na skiejtach i viełasipiedach, pili harbatu. Było niekalki siemjaŭ ź dziećmi. Na akcyju pryjšli viadomyja homielskija muzykanty, pradstaŭniki niefarmalnych maładziožnych ruchaŭ. Miarkujučy pa razmovach i pavodzinach, bolšaść udzielnikaŭ akcyi apalityčnyja. Niekalki maładziožnych demakratyčnych aktyvistaŭ taksama ŭdzielničali ŭ akcyi, ale jany paviedamili BiełaPAN, što nijakaha dačynieńnia da arhanizacyi sustrečy nie majuć i sami daviedalisia pra jaje ad siabroŭ.
Łozunhaŭ prysutnyja nie vykrykvali, ściahaŭ i inšaj simvoliki nie było. Pakantaktavaŭšy pamiž saboj kala paŭhadziny, moładź razyšłasia.
Supracoŭnikaŭ pravaachoŭnych orhanaŭ u formie na płoščy nie było, pieraškodzić praviadzieńniu akcyi nichto nie sprabavaŭ.
Ranicaj 8 červienia ŭ internecie źjaviłasia infarmacyja ab padrychtoŭcy akcyi «Revalucyja praz sacyjalnuju sietku». Jaje inicyjatary zaklikali žycharoŭ Biełarusi pryjści da 19.00 na hałoŭnyja płoščy svaich haradoŭ i prabyć tam da 19.30.
«Nie treba nijakich ściahaŭ, transparantaŭ, nie treba nijakaj simvoliki. Prosta hulajcie, stojcie, znachodźciesia na płoščy», — prapanoŭvałasia haradžanam. Inicyjatary zajavili, što akcyja budzie štotydniovaj: «Kali na płoščy buduć tysiačy ludziej, heta budzie znak taho, što možna pačynać bolš aktyŭnyja dziejańni. Ale spačatku treba vyjści».
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?15
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2121
Kamientary