U Biełarusi spažyvieckija ceny na tavary i pasłuhi ŭ mai 2011 h. u paraŭnańni z krasavikom 2011 h. pavialičylisia na 13,1%, sa śniežniem 2010 h. — na 25,4%, paviedamlaje Nacyjanalny statystyčny kamitet.
U hadavym vyličeńni (da maja minułaha hoda) inflacyja skłała 32,6%.
Prahnoz na 2011 hod praduhledžvaŭ abmiežavańnie rostu spažyvieckich cen u miežach 7,5–8,5%.
Ceny na charčovyja tavary ŭ mai 2011 h. pavialičylisia na 13,1%, z pačatku hoda — na 25,9%, u hadavym vyličeńni — na 36,9%.
Niecharčovyja tavary ŭ traŭni 2011 h. u paraŭnańni z krasavikom 2011 h. padaraželi na 20,4%, ź śniežniem 2010 h. — na 31,7%, z traŭniem 2010 h. — na 35%.
Ceny i taryfy na płatnyja pasłuhi ŭ traŭni 2011 h. u paraŭnańni z krasavikom 2011 h. vyraśli na 3%, sa śniežniem 2010 h. — na 15,1%, u hadavym vyličeńni — na 18,8%.
Bazavaja inflacyja (vyklučaje źmieny cen na asobnyja tavary i pasłuhi, jakija rehulujucca dziaržavaj, a taksama na tavary siezonnaha charaktaru) u mai skłała 16,3%, z pačatku hoda — 27,2%, u tym liku pa charčovych tavarach — adpaviedna 13, 1% i 25,5%, niecharčovych tavarach — 21,7% i 32,3%, płatnych pasłuhach — 11,7% i 17,4%.
Ciapier čytajuć
Milicyja zatrymała taho samaha rasijskaha turysta, jaki kinuŭ niedakurak na vulicy. Zaŭtra sud27
Kamientary