Malcaŭ: Mahčyma, za bienzin pry vyjeździe ź Biełarusi pryjdziecca dapłačvać
U Biełarusi ŭviaduć miery dla abarony «spažyvieckaha rynku ad nieabhruntavanaha vyvazu tavaraŭ za miažu».
U Biełarusi ŭviaduć miery dla abarony «spažyvieckaha rynku ad nieabhruntavanaha vyvazu tavaraŭ za miažu». Ab hetym siońnia paviedamiŭ dziaržaŭny sakratar Rady Biaśpieki Leanid Malcaŭ.
Sa słovaŭ Malcava, ceny ŭ sumiežnych krainach na sacyjalna značnyja tavary vyšej. «Asobnyja niadobrasumlennyja ludzi sprabujuć na hetych prablemach nažyvacca. Tamu ciapier adpracoŭvajecca sistema mier pa abaronie spažyvieckaha rynku, u tym liku i ad nieabhruntavanaha vyvazu tavaraŭ za miažu», — skazaŭ Malcaŭ.
Prablemy «nie pavinny być nahodaj dla asobnych ludziej, kab na hetych prablemach sprabavać vyrašyć niejkija pytańni svajho dabrabytu», — vykazaŭsia jon.
Dziaržsakratar Rady biaśpieki taksama ŭdakładniŭ, što płanavanyja miery buduć časovymi: «Sistema budzie mianiacca ŭ zaležnaści ad źmieny situacyi na rynku».
U jakaści adnoj z najbolš vostrych prablem jon uzhadaŭ situacyju, źviazanuju z vyvazam paliva ź Biełarusi. «Kali jon [bienzin] u nas tańniejšy, to vyjazdžaješ za miažu — zapłaci hetuju roźnicu», — adznačyŭ Leanid Malcaŭ, kažučy ab mahčymych varyjantach vyrašeńnia hetaj prablemy.
Malcaŭ paabiacaŭ, što novyja zachady nie parušać abaviazkaŭ Biełarusi ŭ ramkach Mytnaha sajuza.
Kamientary