Vajskovaja prakuratura naviedaje ŭ turmie Sańnikava i Atroščankava
Siońnia ŭ prakuratury dapytali pravaabaroncu Alenu Tankačovu.
Žonku palitviaźnia Alaksandra Atroščankava Darju Korsak vajennaja prakuratura 10 červienia nie apytała pa katavańniach u SIZA KDB. «Jany admovili mnie ŭ prysutnaści pradstaŭnika», — paviedamiła «Biełaruskamu partyzanu» Darja Korsak. Darja pryjšła ŭ vajennuju prakuraturu razam z pravaabaroncaj Alenaj Tankačovaj.
Darja Korsak pojdzie ŭ prakuraturu na nastupnym tydni z advakatam, a voś Alenu Tankačovu apytali siońnia. «Tankačova dała tłumačeńni. Jana pryjšła sa mnoj, joj skazali, što kali jość što skazać pa spravie, chaj havoryć asobna. Jana i nahavaryła», — paviedamiła D. Korsak.
«Jana bačyła ŭ Prazie Michaleviča; była na sudzie ŭ Sańnikava, kali toj rabiŭ zajavu ab katavańniach. Jany taksama źbirajucca jechać i apytvać Atroščankava ŭ kałonii i Sańnikava ŭ SIZA», — paviedamiła žančyna.
2 sakavika 2011 h. Atroščankaŭ byŭ pryznany vinavatym va ŭdziele ŭ tak zvanych «masavych biesparadkach» i asudžany da
Na sudzie A. Atroščankaŭ paćvierdziŭ infarmacyju ab prymianieńni katavańniaŭ u SIZA KDB. 4 sakavika Darja Korsak nakiravała hienieralnamu prakuroru «Zajavu ab prymianieńni katavańniaŭ i žorstkim, nialudskim i prynižajučym čałaviečuju hodnaść abychodžańni ŭ SIZA KDB».
«Z 20 śniežnia 2010 hoda pa hety dzień, moj muž, Alaksandr Siarhiejevič Atroščankaŭ, znachodzicca ŭ SIZA KDB. Takim čynam, pieryjad času, apisany Michalevičam, pryjšoŭsia i na ŭtrymańnie majho muža.
1 sakavika 2011 na sudovym pracesie, u mianie była karotkaja mahčymaść pierahavaryć z mužam, i jon paćvierdziŭ, što hetak ža padviarhajecca katavańniam i žorstkamu biesčałaviečnamu abychodžańniu ŭ SIZA KDB.
Bolš padrabiaznuju infarmacyju ja daviedałasia paśla vyniasieńnia Alaksandru prysudu 2 sakavika 2011 hoda. Jamu ŭdałosia paviedamić, što jaho tak ža prymušajuć raspranacca, staviać u takim vyhladzie „na raściažku“ na praciahły čas, što dastaŭlaje jamu mocnyja fizičnyja pakuty, bolš taho, u raspranutym vyhladzie jaho prymušajuć rabić fizičnyja praktykavańni, jon nie paśpieŭ paviedamić da čaho pryvodzić admova padparadkoŭvacca takoha rodu zahadam, ale jon daŭ zrazumieć, što sankcyi za nievykanańnie takoha rodu źnievažalnych i chvaravitych dziejańniaŭ mohuć być samymi žorstkimi. Hetak ža mnie stała viadoma, što tyja ž asoby ŭ maskach nieadnarazova pravodzili balučyja manipulacyi z kajdankami ŭ adnosinach da majho muža.
Akramia hetaha, pieršy čas, Atroščankavu prychodziłasia znachodzicca ŭ SIZA KDB bieź śpiecyjalnaha spalnaha miesca i da hetaha času jon znachodzicca ŭ kamiery bieź śpiecyjalna abstalavanaha sanitarnaha vuzła, što hetak ža liču žorstkim i biesčałaviečnym i źnievažajučym čałaviečuju hodnaść abychodžańniem».
Darja Korsak prasiła «terminova pravieści pravierku vykładzienych faktaŭ, a taksama apytać majho muža, i asobaŭ, jakija ŭtrymoŭvalisia ź im u adnych kamierach u pryvatnym paradku, i sposabam, jaki moh by vyklučyć cisk z boku administracyi SIZA KDB i dalejšyja represii suprać ich; pryniać miery prakurorskaha reahavańnia; paviedamić ab vynikach pravierki va ŭstanoŭlenyja zakonam terminy».
Kamientary