Rašeńnie Viciebskaha abłvykankama idzie ŭrazrez z ahulnapryniatymi pravavymi normami.
Miascovyja ŭłady prymajuć usio bolš administracyjnych mier dla rehulavańnia situacyi na valutnym rynku.U pryvatnaści, u šerah filijałaŭ bankaŭ u Viciebskaj vobłaści pryjšli listy z patrabavańniem uzhadnieńnia ździełak pa prodažy zamiežnaj valuty. Bankam zahadana štodnia davać infarmacyju pra reštki valutnych srodkaŭ na rachunkach subjektaŭ haspadarańnia.
Pieršaja inicyjatyva — uzhadnieńnie ź Viciebskim abłvykankamam ździełak pa prodažy zamiežnaj valuty klijentam — u apošni čas davoli pašyranaja praktyčna pa ŭsioj krainie. «Dadzienaje rašeńnie pryniata ŭ suviazi ź nieabchodnaściu rehulavańnia ŭ vobłaści situacyi, što składajecca na valutnym rynku i skiroŭvańnia srodkaŭ u zamiežnaj valucie ŭ pieršačarhovym paradku na zakupku krytyčnaha impartu i nieadkładnyja patreby vobłaści», — havorycca ŭ liście. «
U adsutnaść valutnaha rynku, jaki b narmalna funkcyjanavaŭ, miascovyja ŭłady ŭziali na siabie funkcyi, jakija zvyčajna vykonvaje birža.U hetaj situacyi rašeńnie całkam apraŭdana, kab ekanomika krainy nie spyniłasia», — kamientuje situacyju profilny čynoŭnik.
Praŭda, voś inšaja inicyjatyva Viciebskaha abłvykankama vidavočna idzie nasupierak ahulnapryniatym zakonam bankaŭskaha siektara. Miascovyja ŭłady daručyli kiraŭnictvu bankaŭ «dla manitorynhu ruchu valutnych srodkaŭ pačynajučy ad 13 červienia štodnia da 8.30 pradastaŭlać Hałoŭnamu ŭpraŭleńniu Nacbanka pa Viciebskaj vobłaści źviestki ab astatkach srodkaŭ u zamiežnaj valucie na biahučych i depazitnych rachunkach, u tym liku ŭ razrezie subjektaŭ haspadarańnia pa vidach valut u ekvivalencie 20 tys. dalaraŭ i vyšej «.
Adnak
dadzienaja inicyjatyva vidavočna supiarečyć Bankaŭskamu kodeksu, zhodna ź jakim «rachunki ŭ banku, infarmacyja ab jaho uładalniku, numary i inšyja rekvizity rachunki, pamiery srodkaŭ, što znachodziacca na rachunkach i va ŭkładach (depazitach), a taksama źviestki ab kankretnych ździełkach (…) źjaŭlajucca bankaŭskaj tajamnicaj i nie padlahajuć abviaščeńniu trecim asobam». «Miascovyja ŭłady, sprabujučy praz Nacbank uździejničać na subjekty haspadarańnia i banki, vidavočna parušajuć ahulnapryniatyja pravavyja normy», — kaža ekśpiert u bankaŭskaj śfiery.
Infarmacyja ab takich krokaŭ uładaŭ u inšych rehijonach Biełarusi pakul nie paćvierdziłasia.
Raniej miascovyja ŭłady naŭprost zapytvali ŭ pradpryjemstvaŭ infarmacyju ab stanie valutnych srodkaŭ na ich rachunkach. Adnak nie ŭsie subjekty haspadarańnia adhuknulisia na padobnuju prośbu. Ciapier ułady vyrašyli abrać, na ich pohlad, bolš dziejsny sposab.
Darečy, u adnym z kamiercyjnych bankaŭ paviedamili, što admovilisia jak ŭzhadniać ździełki, tak i pradastaŭlać infarmacyju ab astatku valutnych srodkaŭ na rachunkach subjektaŭ haspadarańnia.
Ciapier čytajuć
Biełaruskuju movu na CT vybiraje ŭsio mienšaja dola vypusknikoŭ škoł. Kali 20 hadoŭ tamu jaje zdavała amal pałova, ciapier — tolki kožny šosty7
Kamientary