Rašeńnie №101 Minharvykankama aficyjna admienienaje. Ilhotnyja 5%-ja kredyty na budaŭnictva žylla bolš nie vydajucca
Zastajucca 16%-nyja kredyty dla tych, chto staić u čarzie na palapšeńnie žyllovych umoŭ, i 26%-nyja dla ŭsich astatnich.
Minskija ŭłady aficyjna admianili rašeńnie № 101 ad 15 studzienia 2009 hoda, pavodle jakoha 5%-nyja lhotnyja kredyty pry najaŭnaści damovy z zabudoŭščykam mahli atrymać usie achvotnyja niezaležna ad daty pastanoŭki na čarhu.
Siońnia ŭ Nacyjanalnym pravavym rejestry było zarehistravana (№ 9/41632) rašeńnie Minharvykankama № 1601 ad
Minčuki zhubili samuju vyhadnuju mahčymaść dla budaŭnictva svajoj kvatery. Dziakujučy rašeńniu № 101 kvatery zmahli pabudavać kala 5 tysiač siemjaŭ (2–3 tysiačy čałaviek za hod), jakija adstajali ŭ čarzie mienš za 20 hadoŭ. Navat kali ŭličyć, što siaredni pamier takoha kredytu składaŭ kala $40 tysiač, ahulnyja vydatki dziaržavy nie pieravyšali $100 miljonaŭ štohod. Inšaja reč, što
ŭ suviazi z devalvacyjaj papularnaść takich kredytaŭ rezka pajšła ŭvierch — biełarusy razumieli, što addavać kredyt u biełaruskich rublach budzie nieskładana.Razmovy pra admienu rašeńnia № 101 vialisia jašče hod tamu, navat nazyvaŭsia nibyta dakładny čas — maj, ale ŭ pieradvybarčy hod dziaržava nie rašyłasia kryŭdzić žycharoŭ stalicy.
Takim čynam, ciapier na rynku nieruchomaści zastajucca 16%-nyja kredyty dla tych, chto staić u čarzie na palapšeńnie žyllovych umoŭ, i 25–26%-nyja dla ŭsich astatnich. U dadatak dla atrymańnia takoha kredytu patrebny vialiki zarobak, jakim nie moža pachvalicca bolšaść biełarusaŭ. Ale ceny na budaŭničyja materyjały rastuć. Zabudoŭščyki nie hatovyja pamianšać košt kvadratnaha mietra, bo zastanucca ŭ minusie.
Heta pahražaje źmianšeńniem kolkaści damoŭ, što budujucca ŭ stalicy. Zrešty, mienavita takoj mety dabivajecca Alaksandr Łukašenka, zajaŭlajučy, što novaha žylla ŭ Minsku nie pavinna być šmat.
Na dumku byłoha premjera Siarhieja Linha, akurat pampavańnie hrošaj u ekanomiku praz budaŭnictva stała adnoj z pryčynaŭ finansavaha kryzisu ŭ Biełarusi.
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary