U Homiel budzie dastaŭlena čaścica moščaŭ Mikałaja Cudatvorcy

Pa błahasłavieńni archibiskupa Homielskaha i Žłobinskaha Arystarcha ŭ Homiel pierad Usianočnym dbańniem budzie dastaŭlena čaścica moščaŭ śviaciciela Mikałaja, archibiskupa Mir Likijskich, Cudatvorca. Uračystaja sustreča moščaŭ adbudziecca 13 žniŭnia ŭ 16.30 kala Śviata-Pietrapaŭłaŭskaha kafiedralnaha sabora.

3 vieraśnia čaścicu moščaŭ pieraniasuć u Śviata-Mikolski mužčynski manastyr Homiela, dzie jana budzie dastupnaja dla pakłanieńnia da 17 vieraśnia. Achvotnyja atrymajuć mahčymaść prykłaścisia da moščaŭ, pierad jakimi duchavienstvam jeparchii buduć pravodzicca nabaženstvy z čytańniem akafistaŭ.

17 vieraśnia čaścica moščaŭ śviaciciela Mikałaja Cudatvorcy budzie pieraniesiena ŭ Śviata-Mikolski chram vioski Žaleźniki na pastajannaje miesca zachoŭvańnia. Dostup viernikaŭ da śviatyni adkryty z 8.00 da 20.00 štodnia.

U 1087 hodzie ź Likijskich Mir (Livija) moščy Śviaciciela Mikałaja byli pieraniesieny ŭ horad Bary. Raskryćcio ŭsypalni i padniaćcie śviatych astankaŭ śviatoha adbyvalisia tajna, nasupierak voli manachaŭ-vartaŭnikoŭ, pad uciskam na ich, u chvalavańni i ŭ śpiešcy. Kamiennyja plity padłohi i bieły marmurovy sarkafah z moščami byli raźbityja kuvałdaj, z-za čaho častka kaściej Śviaciciela pieramiašałasia z kamieniem, a častka kaściej raskryšyłasia. Uziaŭšy čerap i tyja z cełych kaściej i bujnych frahmientaŭ škileta śviaciciela, jakija ŭdałosia dastać z napałovu raskrytaha sarkafaha, i, nabraŭšy ŭ pasudzinu mira, pryšelcy z Bary viesieła pakinuli miesca.

Tuju častku śviatych moščaŭ i mira, jakaja zastałasia siarod reštkaŭ plitki i kamienia, žychary Likijskich Mir staranna sabrali i nadziejna pierapachavali ŭ tym ža chramie. Ale padčas raspačataha ŭ 1096 hodzie pieršaha kryžovaha pachodu vieniecyjancy vyrašyli skarystacca pasłuhami vieniecyjanskaha fłotu, jaki ŭdzielničaŭ u pachodzie z 1099 pa 1101 hady. I znoŭ vierałomna dla žycharoŭ Mir, jakija čakali napad turkaŭ, a nie vieniecyjancaŭ, častka kaštoŭnych moščaŭ Śviaciciela Mikałaja, što zastałasia ŭ ich, była znojdziena, vykapana z-pad padłohi i toŭščy bitumu. Razam z astankami śviatych Mirlikijskich mitrapalitaŭ, jakija adkryta zachoŭvalisia ŭ ałtary, jaje dastali ŭ 1101 hodzie pryvieźli ŭ Lido.

Na biełaruskuju ziamlu čaścinki moščaŭ śviatoha Mikałaja trapili z Ryma ŭ 2008 hodzie dziakujučy miecenackaj dziejnaści maskoŭskich biźniesmienaŭ bratoŭ Karatkievičaŭ, jakija źjaŭlajucca vychadcami Homielskaj vobłaści. Na ich srodki pabudavany i chram u Žaleźnikach — jaho adkryćcio ŭ 2006 hodzie było prymierkavana da 20-hodździa Čarnobylskaj katastrofy. U carkvie zachoŭvajucca i inšyja pravasłaŭnyja śviatyni: čaścinki moščaŭ błažennaj Matrony Maskoŭskaj, śpis sa staražytnaha cudatvornaha abraza Božaj Maci «Usiecaryca (Pantanasa)», jaki byŭ śpiecyjalna vyrableny ŭ Vatapiedskim manastyry na hary Afon. U 2008 hodzie siudy taksama byli dastaŭlenyja na pastajannaje znachodžańnie z Ryma i čaścinki moščaŭ vialikaj pakutnicy Varvary.

• 0
• 0
• 0
• 0
• 0
• 0
• 0
• 0