Novy rekord u padniaćci ciažaraŭ ustanaviŭ biełaruski asiłak Viačasłaŭ Charanieka.
Vystupajučy 4 vieraśnia na Maniežnaj płoščy ŭ Maskvie, jon ažyćciaviŭ 10 kulkoŭ nazad, utrymlivajučy ŭ levaj pramoj ruce 24-kiłahramovuju hiru. Daŭžynia "siłavoj darožki" skłała 13 mietraŭ 40 santymietraŭ. Pry kantrolnym časie 3 chviliny Charanieka spraviŭsia za 2 chviliny 15 siekund. Pavodle zaprašeńnia kłuba "Inter-stronh" asiłak byŭ adnym z udzielnikaŭ 16-ha mižnarodnaha fiestyvalu rekardsmienaŭ Knihi rekordaŭ Hiniesa, jaki prajšoŭ u rasijskaj stalicy ŭ miežach Dnia Maskvy.
Papiaredni rekord składaŭ dzieviać kulkoŭ. Charanieka ŭstanaviŭ jaho ŭ 2006 hodzie ŭ efiry rasijskaj teleprahramy "Našy rekordy", jakuju vioŭ ciapier niabožčyk rasijski asiłak Uładzimir Turčynski.
"Składanaść vystupleńnia na Maniežnaj płoščy była ŭ tym, što na raźminku zamiest hadziny ja atrymaŭ tolki piać chvilin, a tempieratura pavietra była nizkaj, — paviedamiŭ BiełaPAN Charanieka. — Ja niepakoiŭsia za plačo i hałavu, na jakuju ŭ krasaviku paśla vybuchu ŭ minskim mietro mnie nakładvali švy. Na ščaście, abyšłosia, chacia apošnija dva kulki dalisia ciažka, i hałava jašče balić".
Da ŭstanaŭleńnia hetaha rekorda Charanieka, pavodle jaho słoŭ, rychtavaŭsia paŭhoda. Dva tydni tamu na treniroŭcy jon zdoleŭ vykanać 10 kulkoŭ.
Heta 132-i rekord 50-hadovaha Charanieki za 20 hadoŭ śpiecyjalizacyi ŭ ekstremalnym padniaćci ciažaraŭ. Nastupny rekord jon płanuje ŭstanavić 9 vieraśnia ŭ Minsku na vystavačnym futbolnym matčy Biełaruś — Rasija, pryśviečanym 100-hodździu biełaruskaha futboła. Asiłak pastarajecca padniać 100 razoŭ 40-litrovuju bočačku z vadoj uvierch na pramych rukach chutčej čym za 9 chvilin 55 siekund.
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary