«Admovišsia — zładzim maski-šou». Usie admovilisia

Členy mižnarodnaj maładziožnaj arhanizacyi «Małady front» (zarehistravana ŭ Čechii, bo biełaruskija ŭłady šmat razoŭ admaŭlali ŭ rehistracyi tutaka) zajaŭlajuć pra pavyšany intares da arhanizacyi i jaje lidaraŭ z boku śpiecsłužbaŭ. Pra heta jany paviedamili 9 studzienia na pres-kanfierencyi ŭ Minsku.

U pres-kanfierencyi ŭziali ŭdzieł aktyvisty «Maładoha frontu», zatrymanyja ŭ Minsku 19 śniežnia 2011 hoda, jakija adbyvali administracyjny aryšt u Centry izalacyi pravaparušalnikaŭ u Minsku. Pavodle słoŭ pradstaŭnikoŭ «Maładoha frontu»,

u CIP da ich prychodzili supracoŭniki Kamiteta dziaržbiaśpieki i schilali da supracoŭnictva.

Tak, Michaił Muski paviedamiŭ, što da jaho šeść razoŭ prychodzili ludzi, jakija nazyvali siabie supracoŭnikami KDB. «Jany prapanoŭvali mnie nazvać numary hrantaŭ, jakija nibyta atrymlivaje MF, prapanoŭvali padpisać papieru ab nievydavańni, pahražali tym, što ŭ kamieru ŭvarvucca «maski-šou» (supracoŭniki milicyi ŭ maskach) i mianie pabjuć. Tym nie mienš ja na kožnuju prapanovu adkazvaŭ admovaj. Nastupstvaŭ pakul nie było», — skazaŭ Muski.

Anałahičnuju historyju raskazaŭ Pavieł Siarhiej. Da jaho taksama prychodzili ludzi, jakija nazyvali siabie supracoŭnikami KDB, patrabavali infarmacyju pra «Małady front», pahražali adličeńniem z vučoby i tym, što ŭ advarotnym vypadku jaho pabjuć. Adnak Siarhiej admoviŭsia adkazvać na ich pytańni.

Pavodle słoŭ Dźmitryja Krymianieckaha, jaho pra dziejnaść «Maładoha frontu» i pra kiraŭnictva arhanizacyi taksama ŭ CIP raspytvali ludzi, jakija nazvalisia supracoŭnikami KDB. «Jany kazali, što mohuć arhanizavać mnie słužbu ŭ armii. Na što ŭ adkaz im skazaŭ, što ŭ armii ja ŭžo adsłužyŭ.

Jany pačali naciskać na siamiejnaje stanovišča — što ŭ majoj maci buduć prablemy na pracy.

Ja skazaŭ: «Kličcie». Na hetym usio skončyłasia», — raskazaŭ Krymianiecki.

Były palitviazień Uładzimir Jaromienak adznačyŭ, što paśla jaho aryštu da jaho taksama prychodzili ŭ CIP ludzi, jakija nazyvali siabie supracoŭnikami KDB. «Mnie kazali, što ja znachodžusia pad prafiłaktyčnym nahladam.

I lohka mahu pajści adbyvać pakarańnie ŭ turmu, kali nie pahadžusia na supracoŭnictva. Mianie heta nie spałochała.

Raman Vasiljeŭ adznačyŭ, što za admovu ad supracoŭnictva, jakoje jamu taksama prapanoŭvali nibyta supracoŭniki KDB u CIP, jon pazbaviŭsia pracy. «Mnie taksama pahražali nasillem.

«My zaraz vyjdziem, a siudy zojdzie AMAP», — havaryli hetyja ludzi. Ja im zajaviŭ: «Chaj zachodziać». A paśla jany pryjšli da mianie i skazali, što AMAP nie pryjechaŭ»,

Jak zajaviŭ adzin ź lidaraŭ «Maładoha frontu» Mikałaj Dziemidzienka, takaja cikavaść da dziejnaści arhanizacyi i nacisk na jaje aktyvistaŭ śviedčać ab tym, što ŭłady rychtujuć sudovy praces u adnosinach da ludziej, jakija majuć dačynieńnie da «Maładoha frontu».

• 0
• 0
• 0
• 0
• 0
• 0
• 0
• 0