Małady čałaviek źnik u piatnicu 13 studzienia.
Jak paviedamiŭ načalnik adździeła kryminalnaha vyšuku Lidskaha RAUS Dźmitryj Ulaška, pošuki jašče praciahvajucca.
Nahadajem, Ivan Łukašun 13 studzienia razam ź siabrami adpačyvaŭ u kłubie Prospekt. Kali ŭžo źbiralisia razychodzicca, małady čałaviek zaŭvažyŭ, što zhubiŭ numarok ad harderoba. Praz heta jamu admovilisia vydać kurtku. Ivan na heta razzłavaŭsia i raźbiŭ škło ŭ dźviarach.
Na kamierach nazirańnia vidać, jak małady čałaviek vybiahaje na vulicu (kurtku ŭziaŭ u znajomaha). Zatym biažyć praz zapravačnuju stancyju. Nazad da siabroŭ jon užo nie viartaŭsia.
Dalej za zapraŭkaj znachodzicca niekalki pažarnych vadajomaŭ i bałota. Vadajomy abśledavali vadałazy. Vynikaŭ heta nie pryniesła. Znajomyja Ivana razam z supracoŭnikami RAUS i vyratavalnikami abyšli bałota i navakolle. Taksama biezvynikova. A pa horadzie raskleili dziasiatki ŭlotak z partretam maładoha čałavieka i jaho prykmietami.
Jak raniej paviedamlaŭ pres-sakratar UUS Hrodzienskaha abłvykankama Hieorhij Jeŭčar, viersij adpracoŭjevacca niekalki. Adna ź ich — małady čałaviek moh stać achviaraj złačynstva. Ale śledstva najbolš schilajecca da niaščasnaha vypadku. Zaviedzienaja kryminalnaja sprava ab źniknieńni čałavieka.
Prykmiety Ivana Łukašuna
na vyhlad 18--20 hadoŭ, rost kala 180 sm, chudarlavaha ciełaskładu. Vočy šeryja, vałasy ciomna-rusyja, karotkija.
Byŭ apranuty: padoŭžanaja ciomnaja kurtka, ciomna-sinija džynsy, šeraja kofta, ciomnyja zimovyja boty.
Telefony, pa jakich možna paviedamić infarmacyju pra chłopca: (01545) 20202, (01545) 4229 albo 102.
Ciapier čytajuć
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła1
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu3636
Kamientary